گْوناپ – سیپ بلوچ

نبشتانک: گْوناپ

نبشتہ کار: سیپ بلوچ

دی بلوچستان پوسٹ

زندمان ءِ آس ءَ گوں دچار کپتگیں اَهدے ءَ گْوں زندگی کنگ زندگی ءِ اَرزشت ءَ توْرِشتے پرما ایت کہ کجام اَهد اِنت ءُ ما کجام اهد ءِ گْوناپ ءَ گٌوں دچار کپتگیں آدم اِیں، لبزانی کسہ اَنت ءُ هیالانی تَند کَپتگیں مارشتاں گوں لهتیں گال زبان ءَ ایر دیم اَنت، ما زندگی ءُ دنیا ءِ هنچو گْوش اَنت کہ بیست ءُ یکمی کرن ءِ آدم اِیں بلے مارا لبزاں گٌوں لھتے تژّن وتی نیمگ ءَ شگانی کنت کہ بیست ءُ یکمی کرن ءِ آدمانی تہ ءَ مئے کجام کِرد اِنت ؟ما کے اِنت؟ – زبان ءَ همے گپ کیت کہ بلوچ ،دنیا ءِ جوڑ کرتگیں رهْبند ءُ لبزاں گٌوں ایر کُرتگیں رَاج دَپتر ءَ وهدے ما پول بہ کن ایں وتی پُژدر ءَ مارا وتی راج دپتر دو اهد ءَ گوں گِندگ ءَ کیت، لمبر یک ما بلوچ دیری اے دنیا ءِ نَکشہ ءِ سرا مہ بوتین اَنت ، اے واستا کہ مئے تہ ءَ وت ماں وتی جَنّگ ءُ چوْپ کِست کِینگ برات کْوشی اے چہ کرناں هَست اَنت، بلے دومی گپ ءِ پشدر ءَ اے هبر کیت کہ مئے مات سَنٹ نہ اَنت ،اے واستا کہ وت ماں وت جنگ ءُ چُک چینی راجانی سریناں پروش اِیت ءُ گار ءُ بیگواه اِش کنت اِرشاد پرواز جاهے گْوش ایت کہ-

“چہ کینگ ءَ سربار دل ءَ هست کہ مناں بس”
“هر جنگ ءَ وتی دست کتہ مان کہ مناں بس”

کِست ءُ کِینگ ءِ زهر واری ءُ وت ماں وت گْورجیگ ماں گْورجیگ بوْگ ءِ کْوهنیں کِسهے ماں بلوچ ءِ راج دپتراں اِیر اِنت کہ انگریز ءَ بلوچ ءِ اے کِینگ دیست همے گْوشت ئِے کہ بلوچ دنیا ءِ تهے اولی راج اِنت دلال دارگ ءِ زلورت ئِے نیست ، اے واستا کہ بلوچ وتی هرچ شرّی ءُ هرابی ءَ کیت الم پیش کنت دنیا ءِ دیم ءَ ، دومی گپ ءَ راجدپتر مارا اے تژّن ءَ جنت کہ باید همیش اِنت بلوچ مرچی دنیا ءِ تھ ئے آجو بوتگیں راجانی لڑ ءَ بہ بیت اِنت ءُ یک ریاستے بہ بوتین ءُ پیش بہ بوتیں پرچا کہ بلوچ ءَ هچ چشیں ریاست ءُ مُلک نہ بوتگ کہ بلوچ ءَ وتی گْوست ءِ تہ ءَ آشوب نہ داتگ اَنت ، مرچی بیست ءُ یکمی کرن ءَ چے ءَ چنڈے نان ءَ پہ مُستہ هک اِنت؟ ءُ انگت وتی آشوب ءِ گرگ ءَ سوبین نہ اِنت، بلے داں کد اے کهر مانیں زند ءَ گوں بلوچ دچار بیت ، بس یکیں واهگ ءِ درچک ءَ دل ءَ چوڑ جتگ کہ اے شپ تهاریں روچاں الم آجوئی ءِ شهمیں گلاب رنگیں آشوبے گوں واجہ گنی پرواز جاگهے گْوش اِیت کہ بلوچ تهاریانی تہ ءَ گپتگ مرچی ، الم اے تهاریں شپاں پہ آجوئیں روچ ءِ ٹک دنت-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔