بلوچستان 95 درسد ڈُبّ اِتگ ءُ داد رسی ءِ راھچار اَنت- اختر مینگل

پاکستان اسمبلی باسک ءُ بلوچستان نیشنل پارٹی ءِ سروک اختر جان مینگل ءَ گْوشتگ کہ وفاقی ءُ صوبائی ھکومت زوت کمُکی ءَ باور بہ کنائین اِیت-

اختر جان مینگل ءَ دیمتر ءَ گْوشتگ کہ سرجمیں بے سرکاری ادارہ این جی اوز، ٹرسٹ ءُ نیکی کنوکیں مردماں گوں دزبندی کتگ اے وھد ءَ تُرندیں ھَور ءُ توپان ءَ سرجمیں ڈیھ ءَ تباھی کتگ ڈیرہ چات ءَ کوہ سلیمان ، ڈی جی خان ، راجن پور، تونسہ شریف ءُ اسرکپتگیں بلوچستان کساس 95 درسد بُڈ اِتگ-

آئی ءَ گْوشتگ کہ راج بلے لوگی ءَ آزمان چیر ءَ سر زاھر نشتگ اَنت پہ چُنڈے نانے ءَ تلوسگ ءَ اَنت، راج ءَ زوت داد رسی دیگ بہ بیت زندمان ءَ بہ رکن اِت-

سردار اختر مینگل ءَ بلوچستان نیشنل پارٹی ءِ سرجمیں ایم این ایز، ایم پی ایز ، سینیٹرز بُنجاھی ءُ صوبائی واکداراں ھوار سرجمیں کارگُشاد کڈن کتگ اَنت کہ توپان آماچاں ھرچ وڑ کمک بہ کن اِت ءُ علماء کرام ءَ چہ ھاسیں دزبندی یے کتگ آ اللہ پاک ءِ درگاہ ءَ دوا بہ کن اَنت ھدا اے توپان ءَ رھمت جوڑ بہ کنت-