روکپتی بلوچستان ءَ سَے زالبول آپ ءَ بڈ اتگ ءُ بیران بیتگ اَنت ھرسئیں زالبولانی لاشانی درگیجگ بندات بیتگ –
گیشیں ھالانی رد ءَ روکپتی بلوچستان ءِ دمگ سد چاہ رھیم گلوگاہ ءَ سَے زالبول آپ ءَ کپتگ ءَ بڈ اتگ اَنت –
ھالانی تہ ءَ گوشگ بیتگ سَے زالبول گلوگاہ زاھدان ءَ یک کورے ءَ سَے زالبول ھما وھد ءَ آپ ءَ بڈینتگ اَنت کہ آ سیل ءُ سواد ءَ شتگ بیتگ اَنت-
ھر سئیں زالبولانی بارو ءَ دگہ گیشیں ھال سر نہ بیتگ اَنت نانکہ آیانی نام پدر کنگ بیتگ اَنت بلے دمگی مردمانی رد ءَ کورین ءَ زاھدان ءِ ھند ءَ ھرسئیں زالبول آپ ءَ بڈینتگ اَنت-
دگہ ھالے ءِ رد ءَ ھرسئیں زالبول ھما وھد ءَ بڈ اتگ اَنت کہ یکے ءَ دومی ءِ رکینگ ءِ جھد کرتگ چرشی ءَ ھر سئیں آپ ءَ بڈینتگ اَنت-
ھمے سال ءَ روکپتی بلوچستان ءَ گھبودی گلانی رد ءَ سِی ءُ ھپت مردم ھمے رنگ ءَ آپاں بڈینتگ اَنت کہ آیانی تہ ءَ بیست ءُ یک زھگ ھوار اَنت کہ آ گیشتر ھوٹگ، دریا، کور ءُ دگہ جاھاں آپاں بڈینتگ اَنت-