پنجگور چتکان ءَ ایف سی ھیڈ کواٹر ءِ سر ءَ اُرش ءِ زِمہ واری ءَ منّ اِیں، بی ایل ایف

بلوچستان لبریشن پرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ پنجگور ءِ ھند چتکان ءَ برجاھیں فرنٹیر کور (ایف سی ) ءِ ھیڈ کواٹر ءِ سر ءَ بوتگیں اُرش ءِ زِمہ واری منّ اِتگ۔

بلوچستان لبریشن پرنٹ ءِ جارکشّ میجر گْوھرام بلوچ ءَ وتی شِنگ کُرتگیں درشان ءِ تہ ءَ گْوشتگ کہ چاردہ ساچان ( 14 اگست) ءِ شپ ءَ ادار ھشت ءُ نیم ءَ مئے سرمچاراں پنجگور ءِ ھند چتکان ءَ برجاھیں فرنٹیر کور ( ایف سی) ءِ ھیڈ کواٹر ءِ سر ءَ اے ون ءِ گولا آس داتگ کہ آ ھیڈ کواٹر ءِ اندر ءَ وتی نِشانگ ءِ سرءَ کپتگ اَنت، ءُ اے اُرش ءِ آسر ءَ ایف سی ( فرنٹیر کور ) ءَ را مزنیں تاوانے رس اِتگ۔

بلوچستان لبریشن پرنٹ ءِ جارکشّ میجر گْوھرام بلوچ ءَ وتی درشان ءِ گُڈّسر ءَ گْوشتگ دانکہ بلوچستان ءِ آجوئی ءَ مئے اے تْرندیں اُرش دُژمِنیں پوج ءِ سر ءَ یکشل ءَ برجاہ بَہ اَنت۔