زامران: پاکستانی پوج ءِ چیک پوسٹ ءِ سر ءَ اُرش

بلوچستان ءِ دمگ کیچ ءَ سلاہ بندیں مردماں پاکستانی پوج ءِ یک چیک پوسٹے ءِ سر ءَ اُرش کرتگ-

ھالانی رد ءَ گوستگیں شپ ءَ سلاہ بندیں مردماں فرنٹیئر کور ءِ پوسٹ ءِ سر ءَ اُرش کرتگ اود ءَ تیرگواری ءِ درچ برجاہ بیتگ اَنت پد ءَ ارشکاراں پشت اشتگ ءُ شتگ اَنت-

دومی نیمگ ءَ پوج ءَ مارٹر گولہ آس داتگ اَنت کہ آ جتا جتائیں جاھاں کپتگ اَنت بلے دگہ تاوانانی ھال نہ بیتگ اَنت-

زانگ بہ بیت اگست ءِ ماہ ءَ پاکستانی پوج ءِ سر ءَ اُرشانی تہءَ گیشی اتکگ اَنت کہ اے اُرشانی تہءَ گیشترینانی زمہ واری بلوچ آجوئی لوٹوکیں گلاں من اتگ اَنت-

ٹی بی پی ھال پتر ءِ ردءَ گوستگیں پانزدہ روچانی تہ ءَ پاکستانی پوج فرنٹیئر کور، پولیس ءُ دگہ لشکریانی سر ءَ کم چہ کم سِی ءُ پنچ اُرش بیتگ اَنت کہ اے اُرشانی زمہ واری بلوچ آجوئی لوٹوکیں سلاہ بندیں گلاں من اتگ اَنت-