نبشتانک: چلیم
نبشتہ کار: سراج نور
دی بلوچستان پوسٹ
شانتل یکروچے شُت ھانی ءِ لوگ ءَ شانتل چاھے جوڑ کُت ھانی ءَ را دات ئِے کمے رند تِر ءَ ھانی ءَ جُست کُت شانتل تو چلیم کَش ئے؟
شانتل: اِنا من نِشہ نَہ کناں ،
ھانل: اِنا اڑے شانتل چلیم نِشھی یے نَہ اِنت بس کمے ٹائم پاس بیت-
شانتل: اِنا من چلیم نَہ کَشاں منی دَپ پد ءَ بوہ کنت-
ھانل: تو وَ سور نَہ کُتگ کہ تَرا تئی مَرد جَنگ کنت-
شانتل: تئی ھیال ءَ زاناں برات، پِت، ناکو جَنگ نَہ کن اَنت بس تَنھا مرد جنگ کنت؟
ھانل: شَر اِنت تو چاہ ءَ بور من تو بازار ءَ رَوایں گَردگ ءَ،
شانتل: شَر، ھانی سَمُل کُجا اِنت گِندگ نَہ بیت؟
ھانل: سَمُل وتی لوگ ءَ اِنت،
شانتل: تو سَمل ءَ توار کن من ءَ زھیر کُتگ،
ھانل: شَر اِنت کمے ودار کن من چلیم کَش آں توارئِے کن آن بَلے شانتل گَپے زان ئے؟
بَلے سَمُل ءَ ھال مہ دےکہ من چلیم کَشاں پَد ءَ من ءَ بازار ءِ تَہ ءَ رسوا کنت،
شانتل: من چی ءَ سَمُل ءَ ھال دہاں ؟
سَمُل: سلام شانتل تو کَدی اَتکَگ ئے ؟
شانتل: من ءَ دمانے بیت،
دمانے ءَ رند ارکس وتی لوگ ءَ شُت،
بَلے ھانُل ءَ چلیم شپ تاں سھُب ءَ دپ ءَ اِنت ، یک کسانیں مُدتے ءَ رند اِے گپ ءَ دُرست سرپد بوت اَنت کہ ھانل چلیم کَش ایت ءُ ھانل ءَ چلیم ءِ کَشگ سَک دوست بیت، وھدے کہ لوگ ءَ چونیں مَسلئے بہ بیت ھانل پریشانی ءِ وَجہ ءَ چلیم کَش ایت تاکہ آ سُکون بہ بیت، بَلے چلیم ءَ ھانل ءِ وھد گوازینگ ءَ سک مَدت کت آئی ءِ چونیں پریشانے جیڑھے بہ بوتیں آئی ءَ ڈارک چلیم ءِ کَشگ بندات کُت۔
اے رَاست اَت کہ آرا چلیم ءِ کَشگ ءَ سُکون دات، (بَلے نِشہ چِکا سکون بہ بدنت بَلے پد ءَ بی ھراب اِنت )تاں مزنیں مُدتے ءَ ھانل ءَ چلیم چو ساہ ءِ وڑا دوست اَت ۔
وَھد ھمئے وڑا رَواں اَت ھانُل ءِ داخلہ شھر ءَ مزن شاہ دربرجاہ(یونیورسٹی) بوت اَنت ، چلیم بَڈو سَر نَہ بوت، گڑاکو ھم دست کپگ ءَ نَہ اَت اِشکر ھم نیست اَت،
یونیورسٹی ءَ وانگ ءَ رند یک روچے شانتل ھانُل ءَ یک لوگ ءَ دیست،
شانتل: ھانل تو چلیم کَشگ یل کُت؟
ھانُل: اِنا کَدی کَدی لوگ ءَ رواں چلیم کَشاں بَلے تو اِے زان ئِے کہ اد ءَ چلیم کَشَگ نہ بیت گُڑاکو نیست، اِشکر نیست اِنت،
شانتل: ھانل تو چُش نِشائی اَت ئے پہ چلیم ءَ تو چلیم کَشگ یل کُتگ؟
ھانل: ھاں زان ءَ چلیم یل کنگ نَہ بیت؟
شانتل: ھانل نِشہ ءِ یل کنگ سک گِراں اِنت چُش جلدی کُجا یل بیت،
ھانل: اڑے من چلیم یل کُتگ چلیم ءِ پنچات سَک باز اَنت سنھبالگ نَہ بیت، مرچاں دگہ نِشہ باز اِنت، سگریٹ وغیرہ،
شانتل: یااللّہ تو ھانُل سگریٹ کَش ئے؟ اگاں تئی فیملی سرپد بہ بیت گُڑا؟
ھانل: من فیملی ءَ گُشاں من ءَ سگریٹ کَشگ دوست بیت،
نِشہ یک انچین چیزے کہ یل کنگ نَہ بیت پہ ارزانی ءَ،
دُنیا ءِ گَپ ءَ من کُت نَہ کناں بَلے من وتی چاگرد ءِ تَاں دیستگ کم سَدانی ھساب ءَ یکے ءَ نِشہ یل کُتگ، اگاں کَسے ءَ جی ایم یلہ کُتک رَتن ءِ وارتگ اگاں رَتن ءِ یل کُتگ گُراں دگہ یک نِشھے آماچ بوتگ،
بَلے گیشتر چاگرد ءِ تَہ ءَ مردم یکے نشھے یل کُتگ دومی زُرتگ ھمئے ھِساب ءَ وھد ءَ گوں بَرے یک نِشہ ءِ آئی ءِ زلورت بوتگ، آئی ءَ وتی زلورت کارمرز کُتگ کُجام نِشہ کہ آئی ءِ دِل ءَ گُشتگ گُراں آئی ءَ کُتگ،
بَلے ھر یک اِنسان ءِ یک انچین نِشھے بیت،
وَھدے کہ ائید ءِ چھٹیاں ھانل وتی لوگ ءَ شُت،
شانتل کہ سرپد بوتگ ھانل اتک ءَ گُراں شانتل روت ھانلءِ لوگءَ،
چاہءُ آپءَ پَد وھدے کہ شانتل دیست مرچی ھانل ءَ سگریٹ دپءَ اِنت ءُ چلیم دَستءَ۔۔۔
ھانل ءَ سِگریٹ پُردانی ءِ تَہ ءَ دور دات سِنگ ءِ زورتے چیلم پُروشتے شانتل ھیراں بوت کہ ھانل ھما چلیم پروشت کہ آ آئی ءِ زندگی ءِ دُرستاں چے دوست تِریں چیز بوتگ۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔