اشکرانی کھن ءَ ساہ ءِ بند بیگ ءَ چار کاریزکار بیران بیتگ اَنت-
گیشیں ھالانی رد ءَ شال ءِ دمگ سرہ غرگی ءِ نزیک ءَ کھن ءَ ساہ ءِ بند بیگ ءَ چار مزدور بیران بیتگ اَنت کہ اشانی تہ ءَ دو کسانی پجار مھمد خان ءُ فضل الرحمان ء سرور خان ءِ ناماں زانگ بیتگ اَنت ءُ دو کسانی پچار انگت نہ بیتگ اَنت-
بیران بیتگیں مردمانی لاش ایدھی ایمبولینس ءِ سر ءَ سول ھسپتال ءَ برگ بیتگ اَنت اود ءَ اژدری چار ءُ ٹپاس ءَ پد لاش کھولانی گور ءَ رسینگ بیتگ اَنت-
زانگ بہ بیت بلوچستان ءَ گیشتر اشکرانی کھناں وئیل پیش بیگ ءَ اَنت ھمے سال ءَ شانزہ کاریزکارانی بیرانی بیتگ اَنت ءُ گوستگیں ماہ ءَ جتا جتائیں کھناں شش مزدور زدگ بیتگ اَنت-
مزدورانی گل ءِ گوشگ اِنت اے کھناں آسراتی ءِ نہ بوگ ءُ دگہ جیڑھانی سبب ءَ چوشیں وئیل پیش بیگ ءَ اَنت وئیل آماچیں مزدورانی سیادی اوگانستان ءُ دمگی گوشگ بیگ ءَ اَنت-
گلانی گوشگ اِنت اشکرانی کھناں وئیل یکشل ءَ برجاہ اَنت ءُ ھمے وڑ انتزامیہ ءُ کھنانی واھندانی نیمگ ءَ ھچ گامگیج زورگ بوگ ءَ نہ اَنت مزدور وئیلانی جاوراں وتی کمک ءَ وت لاچار اَنت-