کیچ ءُ پنجگور ءَ پوج ءِ سر ءَ اُرش

پاکستانی پوج ءِ سر ءَ سرجمیں بلوچستان ءَ مروچی سلاہ بندانی اُرش برجاہ اَنت، دگہ دو جاھاں پوجی چیک پوسٹ نشانگ کنگ بیتگ اَنت-

ھالانی رد ءَ بلوچستان ءِ دمگ کیچ ءِ ھند گورکوپ ءَ ایف سی ءِ بنجل ءِ سر ءَ سلاہ بنداں اُرش کرتگ ءُ شتگ اَنت-

ھمے وڑ ءَ دگہ یک اُرشے پنجگور ءِ دمگ گورں ءَ ایف سی ءِ پوسٹ ءَ جاڑیگیں کارندہ نشانگ کنگ بیتگ اَنت – واکدارانی نیمگ ءَ تنی وھدی اے درگت ءَ دگہ تاوانانی ھال دیم ءَ نیتکگ اَنت-

زانگ بہ بیت گوستگیں چہ شپ ءَ پاکستانی پوج ءِ بوھوکیں ھپتمی اُرش اِنت چریشاں پیسر گوستگیں شپ ءَ سلاہ بندیں مردماں ھرنائی ءَ پاکستانی پوج ءِ بنجل ءُ کلات ءَ ایف سی ءِ کاروان ءِ اُرشانی نشانگ کتگ اَنت ھمے وڑ پنجگور ءَ ڈی سی ءِ بنجل ءُ مشکے ءَ پوج ءِ چوکی نشانگانی آماچ بیتگ اُنت-

ھرنائی ءَ پوجی بنجل ءِ سر ءَ ببیتگیں اُرش ءِ زمہ واری بلوچ لبریشن آرمی ءَ منّ اتگ –

بلوچ لبریشن آرمی ءَ یک کسانیں درشانے ءِ تہ ءَ گوشتگ کہ اُرش ءَ پوج ءِ شش کارندہ کشتگ ءُ میجر رینک ءِ آفیسر ءَ ھوار ھپت کارندہ زدگ کتگ اَنت-