ھرنائی: دو کارندہ کُشگ بیتگ، میجرے ءَ ھوار بازیینے زدگ- سرکاری پھناتاں ھال ءِ راستی

گوستگیں روچ ءَ بلوچستان ءِ دمگ ھرنائی ءَ بیتگیں اُرش ءِ راستی پاکستانی سرکاری بنشون ءُ پوجی جارکش ءَ راست کتگ-

آئی ایس پی آر ءِ نیمگ ءَ شنگ بیتگیں درشان ءَ گوشتگ کہ اُرشکاراں سیزدہ ءُ چاردہ اگست ءِ میانی شپ ءَ پوجی چیک پوسٹ ءِ سر ءَ اُرش ءُ پد ءَپوجی گشتی ٹولی ءُ اُرشکارانی میانی تیرگواری بیتگ-

آئی ایس پی آر ءِ رد ءَ اُرش ءَ میجر عمر زدگ بیتگ ءُ سپاھی قیوم ءُ عاطف کُشگ بیتگ اَنت-

سرکاری پھناتاں گوشگ بیتگ اُرش ءَ میجر ءَ ھوار دَہ کارندہ زدگ بیتگ اَنت دو کارندہ کُشگ بیتگ اَنت-

لس ھالانی رد ءَ کُشگ ءُ زدگ بیتگینانی کچ گیش اَنت-

زانگ بہ بیت ھرنائی کھوسٹ پاکستانی پوج ءِ بنجاھی بنجل ءُ آیانی کمک ءَ آیوکیں کارندھانی گاڑیانی کاروان ءِ سر ءَ گوستگیں شپ ءَ ترندیںاُرشے کنگ بیتگ –

اُرش ءِ زمہ واری تنی وھدی کس ءَ پہ وت ءَ نہ زرتگ-