مشکے ءَ پاکستانی پوج ءِ چار پانگِسانی سر ءَ اُرش، دو پوجی کارِندہ ءِ کُوش ءِ زِمہ واری ءَ منّ اِیں، بی ایل ایف

بلوچستان لبریشن فرنٹ ءَ آواران ءَ مشکے ءِ ھند ملشبند، تنکّ، جکّی ءُ اوگار ءَ پاکستانی پوج ءِ پانگِسانی سر ءَ اُرشانی زِمہ واری منّ اِتگ۔

بلوچستان لبریشن فرنٹ ءِ جارکشّ میجر گْوھرام بلوچ ءَ وتی شِنگ کُرتگیں درشانی ءِ تہ ءَ گْوشتگ کہ سینزدہ ساچان ( 13 اگست )ءِ شپ ءَ ادارھپت ءَ آواران مشکے ءِ ھند ملشبند ءَ برجاھیں پاکستانی پوج ءِ پانگِس ءِ سر ءَ گوں راکٹ ءُ وتکاریں سِلاھاں اُرش کُرتگ، چہ اے اُرش ءِ آسر ءَ دوپوجی کارِندہ مُرتگ ءُ بازینے ٹپّی بوتگ اَنت۔

میجرگْوھرام بلوچ ءَ دیمتِر ءَ گْوشتگ کہ گْوستگیں شپ ءِ ادار نُھ ءَ آواران مشکے ءِ ھند تنکّ ءَ برجاھیں پاکستانی پوج ءِ پانگِس ءِ سر ءَ مئےسرمچاراں گوں مزنیں ءُ وتکاریں سِلاھاں اُرش کُرتگ، چہ اے اُرش ءَ پاکستانی پوج ءَ را جانی ءُ مالی تاوان داتگ۔

میجرگْوھرام بلوچ ءَ وتی درشان ءِ دیمتِر ءَ گْوشتگ کہ گْوستگیں شپ ءِ ادار یازدہ ءَ آواران مشکے ءِ ھند اوگار ءُ جکّی ءَ برجاھیں پاکستانی پوج ءِدو پانگِسانی سر ءَ گوں راکٹ، ایل ایم جی ءُ اے دگہ مزنیں سِلاھاں یکّیں ساھت ءَ اُرش کُرتگ، اُرش ءِ آسر ءَ پاکستانی لشکر ءَ را جانی ءُ مالیتاوان رس اِتگ۔

بلوچستان لبریشن فرنٹ ءِ جارکشّ میجر گْوھرام بلوچ ءَ گُڈّسر ءَ گْوشتگ کہ مئے اے تْرندناکیں اُرش دانکہ بلوچستان ءِ آجوئی ءَ یکشل ءَ برجاہمان اَنت۔