بلوچستان ءِ دمگ قلعہ عبداللہ ءَ آپ ءِ زور ءَ سَے ڈیم ترک اتگ اَنت – ڈپٹی کمشنر ءِ رد ءَ ماچھکا ون، ٹو ءُ ماچھکا تھری ڈیم ترک اتگ اَنت-
آئی ءَ گُشتگ کہ توبہ اچکزئی ءُ کوھی دمگاں اتکگیں ھاراں سَے ڈیم سریچ بیتگ اَنت- دراھیں میتگانی مردم برزیں جاھاں روگ ءِ ھال داتگ اَنت-
دمگی اسسٹنٹ کمشنر ءَ گوشتگ کہ لیویز ءِ ریسکیو ٹیم مردماں برزیں جاھاں برگ ءَ دزبند اَنت، قلعہ عبداللہ حبیب زئی، میزئی ءُ دگہ دگہجاھاں توپانی جاورھال ودی بیتگ اَنت-
ڈی سی منیر کاکڑ ءِ رد ءَ حبیب زئی ءَ بازیں کچے ءَ مردم توپانی ھار ءَ گپتگ اَنت- سیداں ءَ ٹریکٹر ٹرالی بڈ اتگ اَنت کہ اشی ءَ بیست مردم سواربیتگ اَنت-
آئی ءَ گُشتگ کہ ٹریکٹر بڈگ ءَ پنچ مردم زندگی ءَ رکینتگ اَنت ءُ دو مردمانی لاش دزکپتگ اَنت آ دگہ پنچ مردمانی شوھاز برجاہ اِنت ھمے وڑلاجور ءِ ھند ءَ ریل ءِ پٹی آپ ءَ برتگ ءُ شال ءُ چمن ءِ میان ءَ ریلانی روگ ءُ آیگ مھتل بیتگ-
ڈی سی ءِ گوشگ اِنت توپان ءَ داں انگت ءَ چار مردم بیران بیتگ اَنت ءُ جنگ پیر علی زئی ءَ سَے پُھل پُرشتگ اَنت-