تربت : پاکستانی پوج ءِ سر ءَ اُرش بوتگ

بلوچستان ءِ ضلع کیچ ءَ دو جتائیں ھنداں ناشناسیں مردماں پوج سر ءَ بمب اُرشاں گوں نشانگ کنگ بوتگ-

پوج عبدالحق چوک ءُ سیٹلائیٹ ٹاؤن دمگ ءَ نشانگ کنگ بوتگ اَنت-

دی بلوچستان پوسٹ ءَ رستگیں ھالانی رِد ءَ اولی تراک مولانا عبدالحق بلوچ چوک سر ءَ نادرا کارگس ءِ دیم ءَ ایف سی چوکی ءِ نزیک ءَ کنگ بوتگ – وھدے کہ کمو وھد پد سیٹلائیٹ ٹاؤن ءَ دگہ یک تراکے ءِ توار اِش کنگ بوتگ-

اِھوالکارانی رِد ءَ اے اُرشاں پوج ءِ تاوان چست کنگ کپتگ بلے واکدار نیمگ ءَ اے درگت ءَ درشان دیم ءَ نیتکگ –

زانگ بہ بیت بلوچستان ءَ پوج سر ءَ اے وڑیں اُرشانی زمہ واری بلوچ آجوئی لوٹوکیں گلاں منّگ ءُ آھگ اَنت گوستگیں روچ ءَ کلات ءَ پوج بُنجل سر ءَ سلاہ بنداں اُرش کتگ اَت-

اُرش ءِ زمہ واری بی ایل اے ءَ منّ اِتگ رسانکدر ءَ شنگ کتگیں درشان ءِ تہ ءَ گْوشتگ کہ بی ایل اے سرمچاراں کلات ءِ دمگ جوھان ءَ زورگریں پاکستانی پوج ءِ بُنجاھی بُنجل یک اُرشے ءَ نشانگ کتگ دُژمن پوج ءِ کم چہ کم سے کارندہ مرتگ ءُ بازین ئِے ٹپی کتگ اَنت-