کلات ءَ پاکستانی پوج ءِ بنجل ءِ سر ءَ بوتگیں اُرش ءِ زمہ واری بی ایل اے ءَ منّ اتگ

بلوچ لبریشن آرمی ءِ جارکش جیئند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ مئے سرمچاراں کلات ءِ دمگ جوھان ءَ زورگریں پاکستانی پوج ءِ بنجاھی بنجل ءِ سر ءَ یک اُرشے ءِ نشانگ کتگ ءُ دشمنیں پوج ءِ کم چہ کم سَے کارندہ کشتگ اَنت ءُ بازینینے زدگ کنگ ءَ سوبمند بیتگ اَنت-

جارکش ءَ گُشتگ گوستگیں شپ ءَ بی ایل اے ءِ سرمچاراں بنجاھی بنجل ءِ سر ءَ دو نیمگاں مزنیں سلاھانی گون ءَ دشمنیں پوج ءِ سر ءَ اُرش کرتگ، سرمچاراں بازیں راکٹے دشمنیں پوج ءِ بنجل ءُ پھازگی چوکیانی سر ءَ جتگ اَنت ءُ ھمے وھد ءَ ایل ایم جی ءُ دگہ سلاھانی گون ءَ اُرش برجاہ بیتگ –

آئی ءَ گُشتگ کہ بیست منٹ ءَ برجاہ بیتگیں اُرش ءَ دشمن ءِ کم چہ کم سَے کارندہ مرتگ ءُ باز زدگ بیتگ ءُ آیاں باز تاوانانی دیمپانی کنگ کپتگ – اُرش ءَ پد دشمن ءِ ھیلی کاپٹراں وتی مرتگین ءُ زدگ بیتگیں کارندھانی برگ ءَ بنجل ءَ سر بیتگ – بلے سرمچار جوانی ءَ پہ سلامتی درایگ ءَ وتی مھکمیں جاھاں سر بیتگ اَنت –

جارکش ءَ گُشتگ کہ بلوچ لبریشن آرمی اے اُرش ءِ زمہ واری ءَ منّ ایت زورگریں پوج ءِ درایگ ءَ داں جد ءُ جھد برجاہ بنت-