کلات، مچ ءُ بلگتر ءِ اُرشانی زمہ واری ءَ منّ ایں، بی ایل اے

بلوچ لبریشن آرمی ءِ جارکش جیئند بلوچ ءَ ناشناسیں جاھے ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں کلات ، مچ ءُ بالگتر ءَ سے جتائیں اُرشاں زورگریں پاکستانی پوج ءُ پولیس نشانگ کتگ ءُ کم چہ کم یک کارندھے مرتگ ءُ چار ٹپی کتگ اَنت-

جارکش ءَ گْوشتگ کہ بی ایل اے ءِ سرمچاراں گوستگیں شپ ءَ کلات شھر ءَ پولیس تھانہ سر ءَ ھما وھد ءَ دزبمبے ءَ گوں اُرش کتگ، وھدے ایس ایچ او ھمود ءَ ساڑی بوتگ- اے ایس ایچ او دمگ ءَ پٹ ءُ پول ءِ نام سر ءَ راج ءَ را تُرسینگ، دروگیں ایف آئی آر نکش کنگ ءُ بلیک میل کنگ ءِ وڑیں راج دُژمنیں ردیں کاراں ھوار اَنت- اے اُرش ایس ایچ او ءُ دگہ کارندھانی ھاتر ءَ یک بیھارے کہ زورگریں پوج ءِ چیردستی بلوچ بگیر چست ایراں بھر بوگ ءَ پھریز بہ کن اِت-

جارکش جیئند بلوچ ءَ دیمتر ءَ گْوشتگ کہ گوستگیں شپ ءَ بلوچ لبریشن آرمی ءِ سرمچارانی یک ٹولی یے ءَ بولان ءِ دمگ مچ ءَ ” نیشنل کوئلہ لیز” ءِ ھند ءَ برجاھیں زورگریں پاکستانی پوج ءِ پانگس سر ءَ ساڑی ئیں کارندہ گوں اسنائپر ءِ نشانگ کنگ ءَ پد راکٹ ءُ دگہ مزنیں سلاھاں چہ اُرش کتگ – اُرش ءِ آسر ءَ یک کارندھے ھما دمان ءَ مرتگ وھدے کہ دُژمنیں پوج ءَ گیش جانی ءُ مالی تاوان چست کنگ کپتگ-

جارکش ءَ دیمتر ءَ گْوشتگ کہ کیچ ءِ دمگ بالگتر ءَ گڈگی ءِ ھند سر ءَ بی ایل اے ءِ سرمچاراں زورگریں پوج ءِ یک پانگسے ءِ سر ءَ گرنیڈ لانچر ءُ دگہ مزنیں سلاھاں چہ اُرش کتگ، چریشی ءِ آسر ءَ پانگس ءَ ڈن ساڑی ئیں دو کارندہ ٹپی بوتگ اَنت، وھدے کہ بازیں گولھے پوسٹ ءِ تہ ءَ کپتگ اَنت چریشی ءَ چہ دُژمنیں کارندھاں گیش جانی ءُ مالی تاوان چست کنگ کپتگ-

آئی ءَ گْوشتگ کہ بلوچ لبریشن آرمی اے اُرشانی زمہ واری ءَ منّ اِیت- بلوچ ڈیھ ءَ چہ دُژمن ءِ سرجمی ءَ دراھگ ءَ تاں اُرش برجاہ بنت-