کیچ ءُ آواران ءَ پوج ءِ سر ءَ اُرش

بلوچستان ءَ پاکستانی پوج ءِ سر ءَ اُرشانی درچ یکشل ءَ برجاہ – گوستگیں بیست ءُ چار ادارانی تہ ءَ پاکستانی پوج ءِ سر ءَ جتا جتائیں اُرش بیتگ اَنت-

سر بیتگیں ھالانی رد ءَ بلوچستان ءِ دمگ کیچ ءُ آواران ءَ سلاہ بندیں مردماں پاکستانی پوج ءِ چیک پوسٹانی سر ءَ اُرش کرتگ-

کیچ ءِ دمگ بالگتر گڈگی ءِ ھند ءَ پوج ءِ پوسٹ ءِ سر ءَ اُرشکاراں جتا جتائیں سلاھانی گون ءَ اُرش کرتگ ءُ پشت مانداتگ، اُرش ءِ وھد ءَ تراک ءُ تیرگواریانی توار اشکنگ بیتگ اَنت-

ھمے وڑ ءَ آواران ءِ دمگ جھاؤ ءَ سوڑ عطا مھمد بازار ءَ پوجی چوکی ءِ سر ءَ سلاہ بنداں اُرش کرتگ ءُ شتگ اَنت-

واکدارانی نیمگ ءَ تنی وھدی اُرشانی دگہ تاوانانی درگت ءَ گپ دیم ءَ نیتکگ اَنت-