بل نگور ءَ منشیات ءِ بھا کنگ ءُ منشیات کارمرز کنوکانی کساس ودگ ءِ سوب ءَ ھندی مھلوک زھرشانی کنگ ءَ اَنت۔
تربت کے ھند بل نگور ءَ منشیات ءِ باپاری ورناھیں نسلءِ مزنیں کساسے ءَ منشیات ءِ نیمگ ءَ روگ ءِسرءَ ھندی مھلوک ءِ سرکار ءُ دمگی واکدارانی ھاموشی ءِ بگیرءَ زھرشانی کنان ءَ لیویز تھانہ بل نگور ءِ دیما زھرشانی بنجل ءِ جتگ۔
زھرشانی بنجل ءَ مزنیں کچے ءَ مھلوک نشتگ اَنت۔ درانگازی کنوکانی گُشگ اِنت کہ بل نگور ءَ منشیات ءِ باپاری ءِ بگیر واکدارانی ھچ پئیمیں گامگیج نہ زورگ ءِ سوب ورناہ مزنیں کساس ءَ منشیات ءِ نیمگ ءَ روگ ءَ اَنت لیویز فورس منشیات بھا کنوکانی دیما بے بس اِنت ءُ اِشی سوب ءَ پدرھی ءَ منشیات بھا کنگ بئیگ ءَ اِنت۔
بل نگور ءِ جھمنندانی گُشگ اِنت کہ منشیات یہ زھر اِنت کہ اِشی زورانسری مئے چاگرد ءِ تہءَ ردوم دیگ بئیگ ءَ اِنت کہ اِشی بزانت ورناھیں نسل ءَ تاوانباری کنگ ءُ چاگردی دیمروی ءَ دارگ اِنت۔
آیاں گیشتر گُشتگ کہ اگں پرگینگی سرکار ءُ دمگدار مئے پر ایمنیں زھرشانیانی سرءَ گامگیج نہ زیر اِیت ءُ ھند ءَ منشیات ءِ باپاریانی بگیر ءَ گام چِست کنان ءَ آیاں دزگیر مہ کنت ءُ اے مردم دژمنیں باپار ءِ دارگ ءَ بے سوب بہ بیت گُڑءَ مئے دیمتر ءِ گام انگت ترندتر بنت۔