زورانسری آوار جنی ءَ دزمانجنیں ادارھانی واستا راہ ھموار کنگ مہ بیت – سمی دین ءِ پسو ما اُستانی وزیر ءَ

اگاں مئے زھرشانی ءَ سیاسی پاٹیانی پشگیری گون بیت اِنت ھبدہ روچ ءَ گورنر ھاؤس ءِ دیم ءَ لاشاری ءَ ایوک ءَ نہ کپتگ اِت اِنت-

اے گپانی درشانی وائس فار بلوچ مسنگ پرسنز ءِ رھشون ءُ بیگواھیں ڈاکٹر دین مھمد ءِ زھگ سمی دین بلوچ ءَ چاگردی رسانکجاھانی ترامجاہ ءَ کتگ اَنت-

آئی ءَ گُشتگ کہ اُستانی وزیر نور مھمد دمڑ ءِ پسو ءَ گشتگ کہ بلوچستان اسمبلی ءِ اجلاس ءَ اُستانی وزیر پی اینڈ ڈی نور مھمد دمڑ ءَ گُشتگ بلوچستان یک ٹرینڈے جوڑ بیتگ لوٹ راست بہ بنت یا مہ بنت مھلوک پریس کلب ءِ دیم ءَ نند اَنت اشی ءَ سیاسی پاٹیانی پشتگری گون اِنت-

استانی وزیر ءَ گشتگ کہ سپریم کورٹ ءِ درچ ءَ جوڈیشل کمیشن آرگ ءُ منگ بلوچستان ءِ سرکار ءِ دست ءَ نہ اِنت-

سمی دین بلوچ ءَ گُشتگ کہ دا کدین ءَ مئے درد ءُ گماں برے سیاسی پاٹی، برے ڈیھ دشمنی ءِ پشتگیری ءِ نام دیگ بیت اِنت برے دگہ بھتاماں مئے دردانی گون ءُ ملنڈی کنگ بیت اِنت؟ اگاں مئے درداں درمان کت نہ کن اَنت گڑا کم چہ کم اے وڑیں گپاں زورانسری آوار جنوکانی راھاں ھموار مہ کن اَنت-

سمی دین بلوچ ءَ گُشتگ گورنرہاؤس ءِ دیم ءَ بیگواھیں مردمانی کھولانی زھرشانی ھژزدھمی روچ ءَ برجاہ اِنت وزیر اعلیٰ قدوس بزنجو ءَ چہ دو گام ءَ دوری ءَ لوگ اِنت بلے دو ھپتگاں پد ھم آئی ءَ دگ ءِ سر ءَ ھرسگواریں ماتاں گندوک نہ کتگ گڑا نی سرکار ءَ چہ چی امیت داشت کن ایں-