پیسرگیں سر وزیر بلوچستان جام کمال ءَ گُشتگ کہ لسبیلہ ھار ءَ سانمندیں مردم کمک ءِ راھچار اَنت وھدیکہ سرکار کمک دیگ ءَ بے سوب بیتگ، ھئور ھارانی نیام ءَ مزنیں کچ ءَ جانی تاوان بیگ ءَ ھوار مردمانی مال مڈی، رمگ ءُ ھمکروچی کارمرز کنگ ءِ شئے آں ھوار لوگ ھم تاوان بار بیتگ اَنت۔
پیسرگیں سر وزیر بلوچستان جام کمال خان ءَ رسانکدرءَ گپ کنان ءَ گُشتگ کہ بشامی ھور ءُ ھاراں لسبیلہ ءِ بازیں ھند ترندی ءَ گوں سانمند کُتگ اَنت ءُ تاوان ھم باز بیتگ اَنت۔ پرگینگی سرکار ھار ءَ سانمندیں ءُ مانگیشتگیں مردماں کمک دیگ ءَ بے سوب بیتگ اَنت مزنیں کچے ءَ مردمانی لوگ، مال مڈی ءُ رمگ ءُ لوگانی شئے ھار ءَ بُرتگ اَنت سانمندانی ھاترءَ سرکاری کچ ءَ ھچ پئیمیں آسراتی ءُ کمک بئیگ ءَ نہ اِنت ءُ نانکہ مھلوکانی گپ گُوشدارگ بئیگ ءَ اِنت۔
آئی ءَ گُشتگ کہ ھار آماچیں ھندانی مھلوک وتی کمک وت کنگ ءَ گوں کمکی کار کنگ ءَ اَنت ءُ ابید سرکاری کمکاری گل کمکی کار کنگ ءُ سانمندیں مردمانی کشگ ءُ ممکنیں کمک ءِ ھاترءَ جھد کنگ ءَ اَنت سرکار سانمندیں مردمانی جیڑہ ءُ لاچاری ءَ چہ سما اِنت۔