روکپتی بلوچستان: استاد ءُ سرباز ءِ میان ءَ دیگری ءِ بگیری ءَ زھرشانی

روکپتی بلوچستان ءَ استاداں سرباز ءُ استادانی دیگری ءِ بگیری ءَ زھرشانی کتگ، استاداں سیستان و بلوچستان ءِ وانگجاہ بند کتگ ءُ گشتگ کہ اے دیگری ءِ میان چی اِنت کہ ما نیم بھر چارگ بیگ ءَ ایں-

روکپتی بلوچستان ءِ دمگ ھاش ءَ سربازانی وانینوکیں استاداں گشتگ کہ مئے لشکری کارندھانی میان ءَ پرچا دیگری آرگ بیتگ آیاں سرکار چرپیں نگاھاں چار ایت ءُ مارا بدیں نگاھاں اے وڑ مہ بیت-

آیاں گشتگ ما ھمے واستا کمتریں نگاھاں چارگ بیگ ءُ ڈالچار کنگ بیگ ءَ اِنت ما بلوچ اِنت ءُ چریشی ءَ مئے ڈالچاری مارا گیشتر دلپروش کنت-

آیان گشتگ سربازیاں سِی روچ موکل رس ایت ءُ مارا پانزدہ روچ پرچا؟ اے دیگری ءُ ڈالچار دور کنگ بہ ببت آیاں گشتگ سربازیاں سِی روچ ءِ ھرچ ءُ درچ رس ایت مارا پانزدہ روچ ءِ پرچا رس ایت –

آیاں گُشتگ کہ مئے لوٹ اِنت مزنیں واکاں اے وڑیں ڈالچاریانی سر ءَ گامگیج بہ زور اَنت چوشیں کرداں بہ دار اَنت-

ھالکاراں گوشتگ کہ پانزدہ روچ ءِ ھرچ ءُ درچ دَہ ملیار تومان اِنت باید اے دیگ بہ بنت ءُ آیانی ھک ءُ موز اَنت-

آیاں گشتگ کہ سربازی استاداں سیستان و بلوچستان ءَ بازیں وانگ جاہ ھست اَنت بند اَنت ءُ نیستی ءِ آماچ اَنت اے وڑی ءَ اگاں ڈالچار کنگ بیت اَنت گڑا اے ڈالچاری ءَ بازیں وانندگیں مردمانی وانگ زوال ءِ نیمگ ءَ شت کنت-

وانگ ءُ زانگ ءِ گوستگیں وزیر حمید رضا رخشانی ءَ گشتگ کہ سیستان و بلوچستان ءَ دوازدہ ھزار چار سد ءُ سی ءُ چار استاد اَنت کہ اشانی توک ءَ اے مردم اود ءَ جاڑیگ نہ اَنت چریشی ءَ چل ءُ ھشت ھزار زھگ چہ وانگ ءُ زانگ ءَ پشکپتگ اَنت-