بلوچستان لبریشن پرنٹ ءَ آواران ءِ ھند مشکے ءَ پاکستانی لشکر ءِ بُنجل ءِ نزّیکیں پانگِس ءِ سر ءَ اسنائیپر اُرش ءِ زِمہ واری منّ اِتگ۔
بلوچستان لبریشن پرنٹ ءِ جارکشّ میجر گْوھرام بلوچ ءَ وتی شِنگ کُرتگیں درشان ءِ تہ ءَ گْوشتگ کہ پنچ ساچان (5 اگست) ءِ مگرب ساھت ھپت ءُنیم ءَ مئے سرمچاراں آواران ءِ ھند مشکے رونجان ءَ برجاھیں بُنجل ءِ نزّیکیں کوھانی سر ءِ پانگِسے گوں اسنائیپر ءَ اُرش کُرتگ، چہ آئی ءِ آسر ءَیک لشکری کارمَندے مُرتگ۔
جارکش ءَ گْوشتگ اُرش بلوچستان لبریشن پرنٹ ءِ اسنائپر ٹیم ءِ نیمگ ءَ چہ کنگ بوتگ، اسنائپر ٹیم ءَ وتی جنگی بودناکی جْوانیں دْروشمے ءَکارگِپتگ ءُ لشکر ءِ سر ءَ اُرش کُرتگ ءُ پہ جاندْراھی درکپگ ءَ سوبین بوتگ اَنت۔
بلوچستان لبریشن پرنٹ ءِ جارکشّ میجر گْوھرام بلوچ ءَ دیمتِر ءَ گْوشتگ کہ زُورگِر ءُ زُورانسریں ریاست ءِ بگیر ءَ مئے اے دابیں اُرش دانکہایردست ءُ زُورگِپتیں سرڈگار بلوچستان ءِ آجوئی ءَ گوں تْرندی ءَ یکشل ءَ برجاہ مان اَنت۔