مند ءُ تربت ءَ پاکستانی پوج ءِ سر ءَ اُرش

سربوتگیں ھالانی رِد ءَ بلوچستان ءِ دمگ مند ءُ تربت ءَ ناشناسیں سلاہ بندیں مردماں پاکستانی پوج ءِ سر ءَ اُرش کتگ –

گیشیں ھالانی رِد ءَ ناشناسیں سلاہ بندیں مردماں مروچی بیگاہ ءَ مند ءِ دمگ ھمزی ءِ کوہ ءَ برجاھیں پاکستانی پوج ءِ پانگس سر ءَ اُرش کتگ – اُرش ءَ آسر ءَ پاکستانی پوج ءِ تاوان ءِ ھال انت –

دومی نیمگ ءَ کیچ ءِ دمگ تربت ءَ چہ ھم ھال آھگ انت کہ ناشناسیں سلاہ بندیں مردماں آپسر ءَ پاکستانی پوج ءِ پانگس ءِ سر ءَ اُرش کُتگ –

اُرش مروچی بیگاہ ءَ آپسر ءِ سنگانی سر ءَ بورڈ نزیک ءَ برجاھیں پاکستانی پوج ءِ پانگس ءِ سر ءَ کنگ بوتگ چریشی ءَ پوج ءَ تاوان رستگ –

زانگ بہ بیت اے دمگاں پیش ءَ پاکستانی پوج ءِ سر ءَ بلوچ آجوئی لوٹوکیں سلاہ بندیں گلاں اُرش کُتگ بلے تنی وھدی ھردو اُرشانی زمہ واری ھچ گلانی نیمگ ءَ منّگ نہ بوتگ انت ءُ ناکہ سرکار ءِ نیمگ ءَ اُرشانی درگت ھال شنگ کنگ بوتگ –