بلوچستان لبریشن فرنٹ ءَ کیچ ءِ ھند تربت سینما چارراہ کبرِستان ءِ نزّیک ءَ برجاھیں لشکر ءِ پانگِس ءِ سر ءَ اُرش ءِ زمہ واری منّ اِتگ۔
بلوچستان لبریشن فرنٹ ءِ جارکشّ میجر گْوھرام بلوچ ءَ وتی شِنگ بوتگیں درشان ءِ تہ ءَ گْوشتگ کہ گْوستگیں روچ چار ساچان ( 4 اگست ) ءِ شپ ءَ ادار چِل ءُ ھشت ءِ نزّیک ءَ مئے سرمچاراں کیچ دمگ ءِ بُنجاھی شھر تربت سینما چارراہ، کبرِستان ءِ نزّیک ءَ برجاھیں لشکر ءِ پانگِس ءِ سر ءَ اُرش کُرتگ۔ اُرش ءِ آسر ءَ یک لشکری کرمَندے ھما ساھت ءَ مُرتگ۔
آئی ءَ دیمتِر ءَ گْوشتگ کہ شھری آبادی ءِ مْیان ءَ لشکری پانگِس برجاہ داشتگ ءُ لشکر وت ءَ مین میڈ کور(Man-Made Cover) دَیَگ ءِ ناکامیں کُوشِستے کنگ ءَ اِنت۔
جارکش ءَ گُشتگ چوش کہ مئے سرمچاراں گوں اربن چیرجنگی رِپکاں زُورگِریں لشکر ءِ سر ءَ اُرش کُرتگ ءُ پہ دْرواہ ءُ سلامتی درکپگ ءَ سوبمَند بوتگ اَنت۔
جارکشّ میجر گْوھرام بلوچ ءَ وتی درشان ءِ گُڈّسر ءَ گْوشتگ کہ زِورگِریں ریاستی لشکر ءِ سر ءَ اے اُرش دانکہ ایردستیں بلوچستان ءِ آجوئی ءَ برجاہ مان اَنت۔