شال: پاکستانی بیرک بھا کنوکین اسٹال ءِ سر ءَ دزبمب اُرش

بلوچستان ءِ بنجاھی شھر شال ءَ ناشناسیں مردماں چاردہ اگست ءِ درگت ءَ پاکستانی بیرک بھاکنوکیں اسٹال ءِ سر ءَ دزبمب اُرشے کتگ-

دزبمب اُرش رئیسانی دگ ءَ کنگ بیتگ، پولیس ءِ رد ءَ دزبمب اُرش ءَ یک مردمے بیران ھشت مردم زدگ بیتگ اَنت-

کمکی ٹیم سر بیتگ اَنت زدگ بیتگیں مردم اش ھسپتال ءَ برتگ اَنت لشکر ءَ دمگ انگیر ءَ کرتگ اُرشکارانی پٹ ءُ پول بندات کرتگ-

زانگ بہ بیت اگست ءِ ماہ ءِ آیگ ءَ بازیں جاھاں بیرک بھا کنگ بندات بنت اود ءَ وھد وھد ءَ آیانی سر ءَ اُرش کنگ بیتگ اَنت گوست ءَ اے وڑیں اُرشانی زمہ واری بلوچ آجوئی دوستیں گلاں من اتگ اَنت-

دومی نیمگ ءَ ھال اِنت تربت ءَ سینما چوک ءَ پاکستانی پوج ءِ چوکی اُرش ءِ نشانگ کنگ بیتگ – دمگی مردمانی رد ءَ پوجی چوکی ءِ سر ءَ جتا جتائیں سلاہ کارمرد کنگ بیتگ اَنت کہ چریشی ءَ پوج ءَ تاوانانی دیمپانی کنگ کپتگ-

سرکاری بنشونانی رد ءَ اُرشانی راستی یا ردی نہ بیتگ اَنت نانکہ تنی وھدی دگہ گلاں زمہ واری پہ وت ءَ زرتگ اَنت-