بلوچی زبان ءِ مزن نامیں لبزانکار اے ار داد ءَ ڈاکٹری (پی ایچ ڈی) سرجم کتگ

بلوچستان ءِ مزن نامیں آزمانکار، نبشتہ کار، لبزانکار اے آر داد ءَ مروچی وتی ڈاکٹری ءِ (پی ایچ ڈی) سرجم کرتگ –

گیشیں ھالانی رد ءَ مروچی شعبہ بلوچی ڈپارٹمنٹ ءِ استاد اے آر داد ءِ پی ایچ ڈی ءِ اوپن ڈیفنس بیتگ –

برجم داشتگیں نیاد ءَ آئی ءَ جوانی ءَ وتی پریزینٹیسشن داتگ ءُ جستانی پسو داتگ اَنت-

نیاد ءَ آئی ءِ تھیسز ءِ سرھال “بلوچی آزمانک بندپتر ءُ ربیت، تکنیک ءُ بنگپ پٹ ءُ پولی ءُ نگدی وانشت” بوتگ –

نیاد ءَ آئی ءَ ڈاکٹر رھیم مھر ءِ رھشونی ءَ وتی کار سرجم کرتگ ءُ ھمے میان ءَ اکسٹرنل اگزامنر ڈاکٹر ضیاالرھمان بوتگ –

نیاد ءَ ڈین ریسرچ، ڈین فیکلٹی، چیئرمین جی ایس او ءِ پجیگ ءَ بازیں دگہ شاہ زانت ءُ استادانی ھواری ءَ نودربر ءُ لبزانک دوستاں بھر زرتگ-

اے آر داد بلوچستان ءَ ھما لبزانکاراں گوں ھوار زانگ بیت کہ آیاں لبزانکاں پہ جوانیں کرد پیلو کرتگ ءُ اے آر داد ءَ ھم وتی کساس ءَ پہ لبزانک ءَ جوانیں شرپ ءُ داد دستیگ کرتگ اَنت-