شال ءُ تربت ءَ اُرشاں چار پوجی کارندہ ٹپی کتگ اَنت- بی ایل اے

بلوچ لبریشن آرمی ءِ جارکش جیئند بلوچ ءَ ناشناسیں جاھے ءَ شنگ کرتگیں وتی درشان ءِ تہ ءَ گُشتگ سرمچاراں گوستگیں شپ ءَ شال ءُ تربت ءَ دو جتائیں اُرشاں پاکستانی پوج ءُ پولیس نشانگ کتگ ءُ دو پانگس تباہ ءُ چار کارندہ ٹپی کتگ اَنت-

جارکش جیئند بلوچ ءَ گوشتگ کہ اولی اُرش شال ءَ کمبرانی دگ ءِ سر ءَ پولیس کارندھانی سر ءَ کتگ، کارندہ گوں دست بمب ءَ نشانگ کتگ اَنت، چریشی آسر ءَ دو کارندہ ٹپی بوتگ اَنت-

ھمے وڑ تربت ءِ دمگ آپسر ءَ فرنٹیئر کور آبدروک چوکی سر ءَ دست بمب اُرشے کتگ، چوکی ءِ تہ ءَ تراک ءِ آسر ءَ دُژمن ءِ دو کارندہ سک ٹپی بوتگ اَنت-

بلوچ لبریشن آرمی دوئیں اُرشانی زمہ واری ءَ منّ اِیت- آجوئیں ڈیھ ءِ وتواجھی ءَ مئے اُرش برجاہ بنت-