ظہیر بسمل ءُ صدرالدین کولاچی بیگواھیں مردم بوتگ اَنت، سی ٹی ڈی ءَ چہ ھیدرآباد ءِ نیمگ ءَ مسنگ پرسنز ءِ دروگیں میڑاں دزگیری ءِ ٹاہ ءَ رد کن ایں- وائس فار مسنگ پرسنز آف سندھ
وائس فار مسنگ پرسنز آف سندھ ءِ سدر سورٹھ لوھار ءَ شنگ کتگیں درشان ءِ تہ ءَ گْوشتگ کہ ورنائیں ظہیر بسمل بُٹ 14 جون 2022 ءَ موھن کہ داڑو ءَ چہ لوگ ءَ واتر آھگ ءَ نیم راہ چست کتگ بیگواہ کتگ کہ آ اِھوالکار، ندکار وھدے کہ راجدوست باسک صدرالدین کولاچی 8 جون ءَ چہ کوٹری ( جامشورو ) ءَ چست کتگ ءُ بیگواہ کتگ- آئی ءِ یل کنائینگ ءِ ھاتر ءَ کراچی، ھیدرآباد ، کوٹری ، جامشورو ءُ لاڑکانہ ءَ ھوار سرجمیں سندھ ءَ زھرشانی نکش اَنت-
بلے مروچی سُھب ءَ سی ٹی ڈی پولیس ءَ ھیدرآباد ءَ ٹاہ جتگ کہ اے دوئیں ٹنڈو اللہ یار ءِ نزیک ءَ شوربندی کنان ءَ دزگیر کتگ اَنت اے دوئینانی سیادی یک گلے ءَ گوں بندوک کتگ اَنت-
درشان ءِ تہ ءَ گْوشگ بوتگ کہ ما سی ٹی ڈی ھیدرآباد ءِ اے دروگ ءُ وتگڑیں کیس ءَ رد کن ایں – ما انسانی ھکانی سرجمیں گلاں ھوار مزنیں آمیدگس ءَ چہ دزبندی کن ایں کہ سندھ ءَ بیگواہ کنگ بوتگیں مردماں پولیس ءِ دروگیں میڑاں دزگیری ءِ جیڑھانی سر ءَ آمیدگسی کمیشن جوڑ بہ کنت ءُ پٹ ءُ لوٹ بہ کنت ءُ پولیس ءَ کانود سر ءَ بیار اِیت-
وائس فار مسنگ پرسنز آف سندھ ءَ 30 اگست ءَ زورانسری آوار جنی ءِ جھانی روچ درگت ءَ کراچی ءَ ھوار سندھ ءَ روانک ءُ زھرشانی کنگ ءِ جار جتگ-