چہ منگوچر ءَ بیگواہ بیتگیں اسکول ٹیچر کفایت اللہ لانگو مروچی آمید گِس ءَ پیش کنگ بیتگ۔
وی بی ایم پی ءِ رھشون سمی دین ءَ چاگردی رسانکدر ءِ تندجاہ ٹوئیٹر ءَ وتی یک ٹوئیٹے تہءَ گُشتگ کہ کفایت بلوچ گوستگیں شش ماھاں چہبیگواہ اِنت، آئی زھگ گوستگیں دہ روچاں چہ گورنر ھاؤس ءِ دیما ایندگہ کھولانی پجیگ ءَ زھرشانی نندانک ءَ نشتگ ءُ پِت یل کنائنگ ءِ ھاترءَزھرشانی ءَ بیتگ اَنت۔
آئی ءَ دیمتر ءَ گُشتگ کہ مروچی کفایت دیما آرگ ءُ دروگیں کیسانی تہءَ نامینگ ءُ آمید گِس ءَ پیش کنگ بیتگ۔
سمی دین ءَ کفایت بلوچ ءِ کھول ءَ مرادباتی داتگ ءُ گُشتگ کہ جھد ھچ بر بے سوب نہ بیت۔
یات بہ بیت اسکول ٹیچر کفایت اللہ لانگو 11 فروری 2022 ءَ چہ منگوچر ءَ زورانسری بیگواھی ءِ آماچ کنگ بیتگ اَت، چہ کفایت اللہ ءِ بیگواھی ءَ پد آئی کھول گوں دگہ بیگواھیں مردمانی کھول ءَ پہ کفایت ءِ یل کنائنگ ءِ ھاترءَ زھرشانی کنگ ءَ بیتگ اَنت۔