شے کھن کرکٹ ٹورنمنٹ: رند تگران ءَ دوازدہ رناں گوازی کٹ اِتگ

بنام ءِ مرحوم مراد جان ناک آؤٹ کرکٹ ٹورنمنٹ برجاہ، گوستگیں روچ ءِ بیگاہ ءَ کوارٹر فائنل ءِ سیمی گوازی رند تگران ءُ نالی پیری کہن ءِ میان ءَ کنگ بوتگ کہ رند تگران ءَ ھپت وکٹانی تاوان ءَ گوازی کٹ اِتگ –

گوستگیں بیگاھے کوارٹر فائینل ءِ سیمی گوازی ءَ رند تگران ءَ ٹاس کٹ اِتگ ءُ اولسر ءَ بیٹنگ کتگ- چاردہ اوورانی تہ ءَ ھپت وکٹانی تاوان ءَ یکسدو سِی ھپت رنانی ٹارگٹ ایر کُتگ کہ نالی پیری کہن ءِ لیبیاں ٹارگٹ پروشت نہ کُتگ ءُ بے سوب بوتگ انت – رند تگران ءِ نیمگ ءَ درساں گیش حمل ءَ سِی ءُ پنچ ءُ مزار ءَ بیست ءُ سَے رن جوڈ کرتگ انت وھدیکہ بختیار ءُ صادق ءَ دو دو وکٹ گپتگ انت –

نالی پیری کھن ءِ نیمگ ءَ چاردہ اوورانی تہ ءَ شش وکٹانی تاوان ءَ یکسد ءُ بیست ءُ پنچ رن جوڈ کنگ بوتگ کہ آھانی تہ ءَ درساں گیش پیری کھن ءِ لیبی سادق ءَ سِی ءُ شش ءُ ارشاد ءَ ھژدہ رن جوڈ کرتگ انت ءُ اُمر ءَ سَے وکٹ گپتگ – ھمے وڈ رند تگران ءَ دوازدہ رناں گوازی کٹ اِتگ –

گوستگیں بیگاہ ءِ شرتریں لیبی حمل ھمراز بوتگ ءُ آئی ءَ چہ گچینی مھماناں داد گپتگ –