بلوچ لبریشن آرمی ءَ مروچی بلوچستان ءِ بنجاھی شھر شال ءَ پاکستانی لشکریانی سرءَ بیتگیں بمب اُرش ءِ زمہ واری من اِتگ۔
بلوچ لبریشن آرمی ءِ جارکش جیئند بلوچ ءَ ناشناسیں جاھاں چہ رسانکدراں شنگ کُتگیں وتی درشانے تہءَ گُشتگ کہ بی ایل اے ءِ سرمچاراں مروچی شال ءَ سریاب دگ ءِ سرءَ ولی جیٹ ءِ ھند ءَ جھمنندیں پاکستانی لشکری فرنٹیئر کور ءِ کارمند دستی بمب ءِ اُرش ءَ نشانگ کُتگ اَنت۔ نشانگ کُتگیں کارمند چوکی ءِ نزیک ءَ جھمنند بیتگ اَنت، کہ چمودہ پہ گُشت ءَ در اتکگ اَنت۔
جارکش ءَ دیمتر ءَ گُشتگ کہ بی ایل اے ءِ سرمچارانی اُرش ءِ آسر ءَ سئے کارمند ٹپی بیتگ اَنت کہ اِشانی سک باز ٹپی بیتگیں محمد یوسف ھم ھوار اِنت۔
جارکش ءَ گُڈ سرءَ گُشتگ کہ اُرش ءِ زمہ واری ءَ بلوچ لبریشن آرمی من اِیت، ءُ مئے اُرش داں وتی گُڈی منزل ءَ بئیگ ءَ تاں برجاہ مان اَنت۔