وائس فار بلوچ مسنگ پرسنز ءِ رھشون نصراللہ بلوچ ءَ چہ وتی اگدہ ءَ دزکش بوتگ

وائس فار بلوچ مسنگ پرسنز ءَ چاگردی ترامجاہ ٹویٹر ءَ وتی ٹویٹ ءِ تہءَ گوشتگ کہ گل ءِ سرکماش نصراللہ بلوچ چہ وتی اگدہ ءَ دزکش بوتگ –

گل ءِ نیمگ ءَ آئی ءِ دزکشی ءِ درگت دگہ ھچ وڑیں گپ ءُ سوب دیم ءَ نیاؤرتگ کہ کجام سوب ءَ آ دزکش بوتگ-

دومی نیمگ ءَ نصراللہ بلوچ ءَ اھوالکارے ءَ گوں تران کنان ءَ گوشتگ کہ آئی ءَ گوں گل ءَ ھچ وڑیں بگیری نیست ءُ زاتی دزگٹیانی سوب ءَ وتی اگدہ ءَ چہ دزکش بوتگ-

آئی ءَ گوشتگ کہ من اے واست ءَ دزکش نہ بوتگاں کہ مناں کسی ءِ گوم ءَ بگیری ءِ ھست بلکینہ من وتی زاتی دزگٹیانی سوب ءَ دسکشی ءِ جار جتگ-