بلوچستان یوتھ اینڈ سول سوسائٹی ( بی وائی سی ایس ) ءِ نیمگ ءَ چہ شنگ بوتگیں بلوچستان ءِ دگ وئیلانی ماہ ءِ رپورٹ رِد ءَ سال 2022 جون ءِ ماہ ءَ بوتگیں دگ وئیلانی کچ 804 چار اَنت کہ چریشی ءَ 134 مردم بیران ءُ ٹپیانی کچ 1248 ءَ سر بوتگ اَنت-
رپورٹ رِد ءَ 8 جون ءَ قلعہ سیف اللہ ءِ دمگ اخترزئی ءِ ھند ءَ بوتگیں دگ وئیل ءَ 23 مردم بیران بوتگ اَنت کہ آیانی تہ ءَ 5 چُک 6 زالبول ھوار بوتگ اَنت ءُ یکیں کھول ءِ نُھ مردم اے وئیل ءَ بیران بوتگ اَنت-
6 جون ءَ مستونگ ءَ یک دگ ءِ وئیلے ءَ 10 سالی ئیں ذیشان بیران بوتگ کہ آ نُھیں گھارانی یکیں برات بوتگ – ذیشان مرگ ءِ ھال وھدے آئی ءِ لوگ مردماں سر بوتگ گُرا ذیشان ء مات ءَ اوپار نہ کتگ ءُ دل ءَ گپتگ بیران بوتگ-
18 جون ءَ لورالائی سرکی جنگل ءِ ھند ءَ دگ وئیل ءَ انجینیئر خالد گوں کھول ءَ ھوار بیران بوتگ اَنت آئی ءِ ھمراھی ءَ لوگ بانُک ءُ سے سالی ئیں چُک ھم بیران بوتگ-
بلوچستان یوتھ اینڈ سول ءِ شنگ کتگیں رپورٹ رِد ءَ بلوچستان ءَ جتاجتائیں دمگاں دگ وئیل ءِ بے کساس رپورٹ نکش اَنت-
شال، پشین ، یارو ، سارانان، مستونگ، کردگاپ ، کھڈکوچہ، منگچر ، قلات ، بینچہ ، سوراب، گدر، ماراپ، لاکوریان ، خضدار ، زھری ، سنی ، وڈھ، وئیر ، سوناو، اورناچ ، کوراڈو، پیشک، نوغے ، باغبانہ، لسبیلہ، اوتھل ، دوریچی ، ڈرکالا ، بوانی، وندر، ویلپٹ ، آواران ، جل جھاؤ، مشکے ، منجوانی پاس، چمن ، کویک ءُ شیلا ءَ دُرستی 534 وئیل دیم ءَ اَتکگ کہ آیانی تہ ءَ 53 بیران ءُ 817 ٹپی بوتگ اَنت-
ھمے وڑ بلوچستان ءِ دگہ دمگاں لورالائی ، میختر، دکی ، بوری، زنگی ول کدیزئی ، شاہ کاریز، سرکی جنگل ، ژوب، خانوزئی ، مسلم باغ، قلعہ سیف اللہ، قلعہ عبداللہ، زیارت ،کان میترزئی، گلستان، شیرانی ءُ بادیزئی ءَ 150 وئیل بوتگ کہ آیانی تہ ءَ 41 بیران ءُ 174 ٹپی بوتگ اَنت-
سبی ، بولان ، کچھی ، ڈیرہ مراد جمالی ، نصیرآباد ، ڈیرہ اللہ یار ، بختیار آباد ، جعفر آباد ، ھرنائی، سنجاوی ، مشکاف ، ڈھاڈر ، برکھان ، رکنی ، کوھلو ، ڈیرہ بگٹی ، حاجی شار ءُ نورالدین ءَ 85 وئیل بوتگ کہ آیانی تہ ءَ 21 بیران ءُ 185 مردم ٹپی بوتگ اَنت-
تربت، پنجگور ، گوادر ، جیونی ، اورماڑہ ، پسنی ، کیچ ، ھوشاپ ءُ آپسر ءَ 21 وئیل بوتگ کہ آیانی تہ ءَ 10 بیران ءُ 43 ٹپی بوتگ اَنت-
نوشکی، خاران ، دالبندین ، چاغی ، گردی جنگل ، نوکنڈی ، ریکوڈک ، کراس، تفتان پدگ ءُ لانڈی ءَ 14 وئیل بوتگ کہ آیانی تہ ءَ 9 بیران ءُ 29 مردم ٹپی بوتگ اَنت اے ٹپیانی تہ ءَ 45 در سد مردم سک ٹپی بوتگ اَنت کہ آیانی الاج برجاہ ءَ اِنت-
بی ایم سی نادُراھجاہ ءَ بازیں نادُراھی ءِ جاور نگیگ اَنت- اے بیرانی ءَ 24 چُک ءُ 23 زالبول ھوار اَنت-