بولان ءَ تیل ءُ گیس ءِ گاڑی ءِ سر ءَ بوتگیں اُرش ءِ زمہ واری بی ایل اے ءَ منّ اتگ

بلوچ لبریشن آرمی ءِ جارکش جیئند بلوچ ءَ رسانکدراں شنگ کرتگیں وتی درشانی ءَ گُشتگ مئے سرمچاراں گوستگیں روچ ءَ بولان ءِ دمگ مچ ءَ تیل ءُ گیس ءِ شوھاز کنوکیں کمپنی ءِ یک گاڑی آئی ای ڈی ءِ اُرش ءِ نشانگ کتگ، اُرش کمپنی ءِ یک سائٹے ءِ نزیک ءَ ھما وھد ءَ کنگ بیتگ کہ اے گاڑی کمپنی ءِ کمک ءَ روگ ءَ بیتگ اُرش ءِ آسر ءَ کمپنی ءَ جانی ءُ مالی تاوانانی دیمپانی کنگ کپتگ –

جارکش ءَ گُشتگ کہ بی ایل اے ءِ سرمچاراں بیست ءُ سَے جولائی ءِ شپ ءَ جتا جتائیں اُرشاں مارگٹ ءَ چونگی پھاٹک ءِ ھند ءَ زورگریں پاکستانی پوج ءِ یک چیک پوسٹے ءِ سر ءَ اُرش کتگ ءُ دشمنیں پوج جانی تاوانانی دیمپان کتگ-

جارکش ءَ گوشتگ کہ بلوچ لبریشن آرمی ءَ کمپنی بیھار داتگ اَنت کہ آ زورگریں پوج ءِ لُٹ ءُ پُلی پراجیکٹاں چہ دزکش بہ بنت اگاں ناں گڑا وتی تاوانانی زمہ وار وت اَنت –