بلوچستان ءِ دمگ شاپک کولواہ ءَ چہ یک کھنیں زانگولیں جونے دزکپتگ۔
ھیومن رائیٹس کاؤنسل آف بلوچستان ءِ انفارمیشن سیکریٹری عبداللہ عباس ءَ چاگردی رسانکدر ءِ تندجاہ ٹوئیٹر ءَ شنگ کشتگیں وتی ٹوئیٹ ءِ تہءَ گُشتگ کہ بلوچستان ءِ دمگ شاپک کولواہ ءِ کوھی دمگاں چہ یک زانگولیں جونے دزکپتگ۔
عبداللہ عباس ءِ ردءَ جون کھن ءُ زانگول اِنت، بلے ھمے ھندءَ کہ جون دزکپتگ اِشی نزیک ءَ پیش ءَ یک پوجی کیمپ ءِ بیتگ، کہ دو ماہ پیسر ھلاس کنگ بیتگ۔
عبداللہ عباس ءَ دیمترءَ گُشتگ کہ پیش ءَ ھم پوج ءِ بازیں لس مردم بیڑانی تہءَ کُشتگ ءُ آھانی جون کوھاں دور داتگ اَنت۔