آواران: حیات ءِ کوش ءِ زمّہ واری بی ایل ایف ءَ منّ اِتگ

باجو بوتگیں سرمچار ءُ کُشندہ ٹولی ءِ باسک حیات ءِ کوش ءِ زمّہ واری ءَ منّ ایں – میجر گوھرام بلوچ

بلوچ سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں ھمے سال ءِ بیست ءُ دو جولائی ءَ زورگیریں پوج ءِ دیما سرجھل کنوکیں راجی کتکار حیات مرگ ءِ سزا داتگ –

آئی ءَ گوشتگ کہ مئے سرمچاراں آواران ءِ دمگ تیرتیج سورو بند ءَ باجو بوتگیں سرمچار حیات پنام ءِ علی احمد تیر جتگ ءُ کُشتگ – اے مرد آواران تیر تیج ءَ پاٹی ءِ باسک ءِ بوتگ ءُ آئی ءَ بیست ءُ پنچ جولائی سال دوھزار ءُ بیست ءُ یک ءَ عارف پنام ءِ شلنگ ءِ ھمراھی ءَ زورگریں دژمن ءِ دیم ءَ سلاہ دور داتگ انت – باجو بوگ ءَ پد بیست ءُ ھپت مئی دوھزار بیست ءُ یک ءَ پاکستانی پوج ءِ زوراکیاں ھوار بوتگ کیلکور، وہلی، دراسکی ءَ پاکستانی پوج ءِ ھمراہ داری کتگ – ھمے لشکر کشی ءَ لس مردم نشانگ کنگ بوتگ انت ءُ اے لشکر کشی ءَ بولا بلوچ، عصا بلوچ ءُ بی ایل اے ءِ سنگت حفیظ حمید پنام ءِ دودا نمیران بوتگ انت –

جارکش ءَ گوشتگ کہ ھمے سال ءِ دوازدہ فروری ءَ تیرتیج زنڈوئی گواش ءَ سنگتانی بگیری ءَ بوتگیں لشکر کشی ءَ ھم اے مرد ھوار بوتگ ھمے وڈ ھمے سال ءِ یازدہ فروری ءَ محمد علی ءِ نمیرانی ءَ ھم اے چاریگ گون بوتگ –

جارکش میجر گوھرام بلوچ ءَ گوشتگ کہ زورگیریں پوج ءِ ھمراہ داری ءُ بلوچ راجی آجوئی بگیری ءَ کار کنوکیں اے کتکار مرگ سزا داتگ ءُ اے دابیں کتکار ھچ وڈا پھل کنگ نہ بنت کہ راجی آجوئی ءِ جھد ءَ دژمن ءِ ھمراہ داری ءُ آئی ءِ کمک ءَ بہ کن انت –