پاکستانی پوج ءِ جارکش ءِ ٹاپاراں جنگ بیتگیں نُھ مردمانی تہ ءَ یک دگہ لاشے ءِ پجار بیتگ-
گوستگیں روچاں زیارت ءَ پاکستانی پوج ءِ گون ءَ ناگتی جنگ بیتگیں نُھ مردمانی تہ ءَ یک دگہ لاشے ءِ پجار کھول ءَ کرتگ کہ آئی ءِ پجار شھزاد اھمد ء ریٹائرڈ ڈی ایس پی خدا بخش دھوار جھمنند کلات ءِ نام ءَ زانگ بیتگ کہ آ پاکستانی پوج ءَ دزگیر کنگ ءَ پد بیگواہ کتگ ات-
شھزاد اھمد ءِ کھول ءَ لاش پجار کنان ءَ گوشتگ شھزاد اھمد گوستگیں ماہ ءَ چار جون ءَ پاکستانی پوج ءَ موسیٰ کالونی شال ءَ دزگیر کنگ ءَ پد بیگواہ کرتگ چریشی ءَ پد کھول ءَ آئی ءِ درگت ءَ شال ءِ پریس کلب ءَ زھرشانی نکش کنائینتگ ات-
کھول ءِ گوشگ اِنت شھزاد اھمد زورانسری آوار جنی ءِ درگت ءَ سرپدی وائس فار بلوچ مسنگ پرسنز ءَ سر کتگ اَنت-
دومی نیمگ ءَ وائس فار بلوچ مسنگ پرسنز ءَ چاگردی ترامجاھاں نبشتگ کرتگ کہ وائس فار بلوچ مسنگ پرسنز ءِ یک ٹیمے زیارت ءَ جنگ بیتگیں مردمانی لاشانی چک ءُ تان ءَ ڈاکٹرانی ھمراھی ءَ کرتگ کہ آیاں چہ زانگ بیتگ لاشانی پوست، ناکن ءُ بدناں زانگ بیت آیانی جسماں روچ نہ لگ اتگ زانگ بیت اے پیسر ءَ بیگواہ کنگ بیتگ اَنت-