بی ایل اے ءَ ھازر سروس فورسز آفسرانی آوار جنگ ءِ شوربندی کتگ – شیواری جار شنگ بیتگ

گوستگیں روچاں پاکستانی آرمی ءِ کرنل ءِ آوار جنگ ءُ پد ءَ کشگ ءَ پد بلوچستان ءَ سیکورٹی آفسراں پھزداری کنگ ءِ شیواری دیگ بیتگ اَنت-

کاونٹر ٹیررزم ڈپارٹمنٹ ءِ شیواری ڈاہ اُستانی پولیس ءِ پھزداری ءِ پژدر ءَ شنگ کنان ءَ گوشتگ کہ بلوچ لبریشن آرمی ءِ نیمگ ءَ ھازر سروس پوجی آفسرانی آوار جنگ ءِ چن ءُ لانچ کنگ ءِ تچکیں ترس ھست اِنت –

کاونٹرٹیررزم ڈپارٹمنٹ ءِ نیمگ ءَ آفسراناں شیواری ڈاہ دیگ بیتگ بلوچ لبریشن آرمی ءِ باسک کرنل لئیق ءِ وڑ ءَ آوار جت کن اَنت، سی ٹی ڈی ءُ گچینی آفسر وتی پھریزی ءَ بہ کن اَنت پھریزداری ءِ بکس ءُ بند ءَ ھم بہ کن اَنت-

دومی نیمگ ءَ انٹیلجنس ادارھاں بلوچستان ءَ لھتے روچ باز ترسی گشتگ اَنت ءُ دراھیں آرمی بنجل ءُ ھیڈکواٹرزاں پھزداری ترند کنگ بیتگ اَنت-

زانگ بہ بیت دوازدہ جولائی ءَ پاکستانی یک کرنلے زیارت ءِ دمگ ورچوم ءَ آوار جنگ ءَ ہد کشگ بیتگ اَت اے کرنل ءِ آوار جنگ ءُ کوش ءِ زمہ واری بلوچ لبریشن آرمی ءَ منّ اتگ اَت – درشان ءَ بلوچ لبریشن ءِ جارکش جیئند بلوچ ءَ گشتگ ات پاکستانی کرنل مرگ ءِ سزا داتگ –

کرنل لئیق ءِ کوش ءَ پد زیارت ءَ ھوار نزیکیں دمگاں لشکر کشی برجاہ اَنت پوج ءِ نیمگ ءَ زمینی ءُ برزی بیڑانی ھال ھم ھست اَنت-

پاکستانی پوج ءِ جارکش ءِ رد ءَ لشکر کشی ءِ وھد ءَ پنچ مردمانی جنگ ءِ ٹاہ دیگ بیتھ ءُ یک کارندھے ءِ بیرانی ءِ ھال ھم شنگ کتگ –