بلوچستان ءِ دو جتا جتائیں دمگاں سے مردمانی لاش دست کپتگ اَنت-
سربوتگیں ھالانی رِد ءَ بلوچستان ءِ دمگ دالبندین ءَ دمگی انتزامیہ ءَ یک مردمے ء لاش دست کپتگ ءُ ڈاکٹری چار ءُ ٹپاس ءُ پجّار ءِ ھاتر ءَ ڈی ایچ کیو ءَ سر کنگ بیتگ-
دمگی انتزامیہ ءِ رِد ءَ لاش شھر ءِ نزیک ءَ ویرانگ ءَ چہ دست کپتگ کہ آئی ءِ پجّار دالبندین ءِ جھمنندیں مھمد رمضان ء محمد مراد ءِ نام ءَ چہ بوتگ- پولیس ءَ وئیل ءِ درگت ءَ گیشیں پٹ ءُ پول برجاہ ءَ اِنت-
ھمے وڑ بلوچستان ءِ دمگ ھُزدار ءِ سول نادُراھجاہ ءَ یک زالبولے ءُ یک مردینے ءِ لاش آرگ بوتگ اَنت کہ آیانی پجّار نہ بوتگ اَنت-
انتزامیہ ءِ رِد ءَ لاش سے روچ کوھنیناں ءُ آیانی سر ءَ ٹپّانی نشان ھست اَنت ھمے پدر بیت کہ اے مردم کُشگ بوتگ اَنت پجّار ءِ ھاتر ءَ نادُراھجاہ ءَ ایر کتگ اَنت-
ھمے وڑ بنجاھی شھر شال ءَ ناشناسیں مردمانی تیرگواری ءَ چہ یک مردمے بیران ءُ دومی ٹپی بوتگ-
پولیس ءِ رِد ءَ تیرگواری وئیل شال ءِ دمگ نواں کلی ءَ بوتگ کہ انّوگیں سندھی پشتونانی میانی جنگ ءُ چوپانی سبب ءَ ناشناسیں مردماں سندھی بوگ شک ءِ سر ءَ یک مردمے کُشتگ ءُ تتکگ اَنت-
پولیس ءِ رِد ءَ کُشگ بوتگیں مردم بختیار آباد سبی ءِ جھمنند ءُ مغیری بلوچ اَنت ءُ سندھی گپ کن اَنت- پولیس ءَ وئیل ءَ ایف آر نکش کتگ ءُ کُتکارانی پٹ ءُ پول برجاہ ءَ اِنت-