کرنل لئیق بیگ مرگ ءِ سزا داتگ – بی ایل اے

بلوچ لبریشن آرمی ءِ جارکش جیئند بلوچ ءَ وتی شنگ کرتگیں درشان ءِ تہ ءَ گُشتگ کہ بی ایل اے ءِ اسپیشل ٹیکٹیکل آپریشنز اسکواڈ (ایس ٹی او ایس ( ءَ دووازدہ جولائی دوھزار ءُ بیست ءُ دو ءَ یک چیریں ھالے ءِ رد ءَ زیارت ءِ نزیک ءَ بیڑ برتگ ءُ اود ءَ پاکستانی پوج ءِ جاڑیگیں اگدو ءِ آفیسر کرنل لئیق بیگ مرزا دزگیر کتگ-

آئی ءَ گُشتگ کہ لیفٹیننٹ کرنل لئیق بیگ مرزا بلوچ لبریشن آرمی ءِ نشانگ ءِ تہ ءَ بیتگ ءُ گوستگیں بازیں روچاں بی ایل اے ءِ چاریگ بنزہ ءَ آئی ءِ سر ءَ نگاہ ایر کتگ اَنت دوازدہ جولائی ءِ روچ ءَ آئی ءِ ودار کتگ ءُ گڈی ءَ آ ھنچیں جاھے ءَ دزگیر کتگ کہ اود ءَ دگہ لس مھلوک ءَ تاوانانی مہ بیت-

جارکش ءَ گُشتگ کہ کرنل لئیق ھما روچ ءَ وتی کھول ءِ ھمراھی ءَ سپر ءَ بیتگ ءُ بلے آئی ءِ کھول بلوچ بگیرداری ءَ ھچ ءَ دزمانجن نہ بیتگ چریشی ءَ چہ آیانی گون ءَ شرپ ءِ گون ءَ پیش اتکگ اِنت ءُ ھچ وڑیں تاوان نہ داتگ اَنت-

96L/C ءِ کرنل لئیق ءِ سیادی پاکستانی فوج ءِ 12 آزاد کشمیر رجمنٹ ءَ بیتگ آ ایشی ءَ پیسر پاکستانی رینجرز ءِ کمانڈنگ ءِ اگدو ءَ بیتگ – ھما وھد ءَ پاکستانی ملٹری انٹیلی جنس ایم آئی ءِ یک آفیسرے بیتگ-آ ڈی ایچ ات شال ءَ ڈھال ءِ بستار ءَ کار ءَ بیتگ –

آئی ءَ گُشتگ کرنل لئیق بلوچستان ءَ زوگریں پوج ءِ یک آفیسرے ءِ بیگ، بزگیں بلوچ زالبول ءُ زھگانی زورانسری آوارجنی، بلوچ نسل کُشی ءُ دگہ جرماں ھوار انسانی ھکانی سنگینین لگتمالیاں تچک ءَ ھوار بیگ ءِ پژدر ءَ دزگیر کتگ – آ بلوچ راجی آمیدگس ءَ پیش کتگ ءُ آئی ءَ وتی بے گناھی ءِ ھک دیگ بیتگ بلے اود ءَ آئی ءَ وتی سرجمیں جرم منّ اتگ اَنت چریشی ءِ پژدر ءَ آ راجی آمیدگس ءَ مرگ ءِ سزا داتگ ءُ چریشی ءَ پد اے گپ ءِ سر ءَ گامگیج زرتگ-

جیئند بلوچ ءَ گُشتگ کہ بلوچ لبریشن آرمی ءَ پاکستانی پوج ءِ اے وڑیں دراھیں آفیسرانی نشان سرجم کتگ اَنت، کہ ھما تچکی ءَ بلوچ نسل کشی ءَ ھوار اَنت اے آفیسر ھرکجا تُری بہ بنت یک یک کنگ ءُ آیانی ھلاپ ءَ بیڑ برگ بیت اِنت ءُ آ ھرچ وڑ ءَ سزا دیگ بنت-

جارکش ءَ گُشتگ کہ ما یک رندے پد ءَ اشی ءِ ستک داریں بلوچستان ءَ زورگریں پوج ءُ آئی ھمکارانی سر ءَ یکشلیں نشانگی برجاہ بیت اِنت دانکہ آ بلوچ مادر وتن ءَ سرجم ءَ درنیاینت-