کرنل لائیق مئے گور ءَ اِنت – بی ایل اے

گوستگیں روچاں بلوچستان ءِ دمگ زیارت ءَ پاکستانی پوج ءِ کرنل ءِ دزگیری بی ایل اے ءَ من اتگ –

گل ءِ نیمگ ءَ رسانکدر ءَ یک کسانیں درشان کلوہ ءِ داتگ کہ بی ایل اے ءِ جارکش جیئند بلوچ ءَ گوشتگ کہ پاکستانی پوج ءِ کرنل لائق بیگ بی ایل اے ءِ گور ءَ اِنت-

جارکش جیئند بلوچ ءِ رد ءَ کرنل لائق بی ایل اے ءِ اسپیشل فورس ٹیکٹیکل آپریشنز اسکواڈ ءَ یک چیریں ھالے ءِ رد ءَ دوازدہ جولائی ءَ دزگیر کتگ-

زانگ بہ بیت اے کرنل گوستگیں روچاں زیارت ءِ دمگ ورچوم ءَ ناشناسیں مردماں آوار جتگ اَت-

ایڈیشنل ڈپٹی کمشنر زیارت سمیع اللہ کاکڑ ءَ چارشمبے ءِ روچ ءَ گوشتگ اَت اے سرپدی رس اتگ کہ آ چہ کراچی ءَ سیادی دار ایت ءُ آئی ءِ یل کنائینگ ءَ لیویز ءُ کانون داریں ادارہ پٹ ءُ پول کنگ ءَ اَنت-

آئی ءَ گوشتگ کہ دمگدارانی نیاد ءِ سر ءَ شور بیتگ کہ آئی ءِ یل کنائینگ المی اِنت-

دومی نیمگ ءَ پاکستانی پوج ءِ آفیسر ءِ بیگواھی ءَ پد مزنیں کچے ءَ فوجی بیڑ بندات کنگ بیتگ اَنت ءُ فوج ءِ کوئک رسپانس فورس گچینی بھر زورگ ءَ اَنت زیارت ءِ کش ءُ گوری دمگاں گوستگیں روچاں چہ بالگردانی بال برجاہ اَنت بلے تنی وھدی کرنل ءِ دیم ءَ آیگ سرجمی نہ بیتگ –