سول جان ءِ بیگواھی ءَ ھپت سال ءُ سَے ماہ سرجم، انگت ءَ یل نہ بوتگ – کھول

بلوچستان ءِ دمگ آواران ءَ آوار جنگ بیتگیں سول جان ء میار ءِ بیگواھی ءَ ھپت سال ءُ سَے ماہ سرجم بیگ ءَ آئی ءِ کھول ءَ یل کنگ ءِ لوٹ کتگ-

کھول ءِ گوشگ اِنت سول ء میار آواران ءِ دمگ زیرک ویلی ءِ جھمنند اِنت کہ ھژدہ اپریل دوھزار ءُ پانزدہ ءَ لشکر کشی ءِ وھد ءَ پاکستانی پوج ءَ آوار جتگ ءُ بیگواہ کرتگ-

کھول ءِ گوشگ اِنت کہ اے مزنیں لشکر کشی سِی روچ ءَ داں آواران ءِ دمگاں برجاہ بیتگ ءُ ھمے میان ءَ مئے زھگ پوجی لشکر ءَ آوار جتگ ءُ برتگ دمگ ءَ ائید ءِ روچ ءَ ھم بمبگواری کتگ –

کھول ءِ گوشگ اِنت کہ لشکر ءُ لشکر کشی ءِ وھد ءَ بلوچستان ءِ آجوئی ءِ واستا جنگ کنوکیں بلوچ جنگول ڈاکٹر اللہ نزر ءِ جنگ ءُ پژدر ءَ لس مھلوک گپتگ ءُ لٹ داتگ ھمے میان ءَ ھرکس ءَ آئی ءِ بارو ءَ نہ زانتگ گڑا بے کساس ءَ لَٹ ءُ کُٹ کتگ اَنت-

کھول ءِ گوشگ اِنت کہ سول یان ءِ ھواری ءَ بازیں مردم دزگیر کنگ ءُ برگ بیتگ اَنت بلے سول جان انگت ءَ یل کنگ نہ بیتگ، جھان ءِ انسانی ھکانی گل باید سول جان ءِ یل کنگ ءَ وتی کرد ءَ پیلو بہ کن اَنت-