منگچر ءَ دو ریاستی کارمندانی کوش ءِ زمہ واری ءَ منّیں – بی ایل اے

الم بوانیت

بلوچ لبریشن آرمی ءِ جارکش جیئند بلوچ ءَ وتی شن کرتگیں درشانی ءِ تہ ءَ گُشتگ کہ بی ایل اے ءِ سر ءَ سرمچاراں گوستگیں روچ ءَ قلات ءِ دمگ منگچر ءَ زورگریں پاکستانی پوج ءُ چیریں کارمندانی دو کارمند پینزئی ڈیم ءِ ھند ءَ تیرگواری کتگ ءُ کُشتگ اَنت-

آئی ءَ گُشتگ کہ دشمن ءِ کارمند رھیم دین ء شھباز ءُ قادر بخش پنام شنگ ء عبدالفتاح گوستگیں بازیں سالاں دشمن ءِ چیردستی ءَ کار ءَ بیتگ اَنت-

جارکش ءَ گُشتگ کہ اے مردم ناگاھو، شور پارود ءُ گرگینہ ءَ پوجی لشکر کشیاں دزمانجن اَنت – اشاں ابید اے ھردوکیں مردم بلوچ ورنایانی زورانسری آوار جنی ءُ ڈیتھ اسکواڈ ءِ برجم دارگ ءِ ھوار ھواری ءَ بلوچ سرمچارانی راہ سرانی نشانگ کنگ ءَ دزمانجن اَنت –

آئی ءَ گُشتگ کہ راجی گداری جرم ءِ پژدر ءَ سرمچاراں اے ریاستی کارکنوک گڈسری ءَ سر کتگ اَنت-

آئی ءَ گوشتگ بلوچ لبریشن آرمی ءَ ھر وھد ءَ اے پدر کرتگ کہ راجی گدارانی سزا مرگ اِنت، ھما کس کمو چیزانی واستا راجی جنز ءِ آجوئی ءِ ھلاپ ءَ پرکار اَنت ھچ ھساب ءَ پَھل کنگ نہ بنت-

جیئند بلوچ ءَ گوشتگ کہ بی ایل اے جوھان ءُ ناگاھو ءِ دمگاں دشمن ءِ چیردستی ءَ کار کنویں ریاستی کارندھاں تچک ءَ بیھار دنت کہ آیانی سرجمی ءَ نشانی بیتگ اَنت آ بلوچ راجی جنز ءِ ھلاپ ءَ کار کنگ ءَ گستا بہ بنت اگاں ترندیں سزا ءِ نشانگ کنگ بنت-

نوکتریں