روکپتی بلوچستان: سَے زھگ آپ ءَ کپتگ ءُ بیران بیتگ اَنت

روکپتی بلوچستان ءِ جتا جتائیں جاھاں سَے آپ ءَ کپتگ ءُ بیران بیتگ اَنت-

گیشیں ھالانی رد ءَ روکپتی بلوچستان ءِ دمگ اسلام آباد سرباز ءَ دو زھگ آپ ءَ کپتگ ءُ بیران بیتگ اَنت –

بیران بیتگیں زھگانی پجار معین الدین رسولی ء جلال ءُ یوسف ایران پناہ ء عبدالملک ءِ ناماں زانگ بیتگ اَنت-

ھالانی تہ ءَ گوشگ بیتگ کہ ھردوکیں زھگ وتی دگہ کسان سالیں زھگانی ھمراھی ءَ گوازی ءَ شتگ اَنت ءُ اود ءَ آ آپ ءَ کپتگ ءُ بیران بیتگ اَنت-

ھورانی گوارگ ءَ پد مچیں آپاں زھگ بڈینتگ ءُ چریشی ءَ ھردوکیں زھگ بیران بیتگ اَنت-

ھمے وڑ ءَ دشتیاری ءَ ھم یک زھگے اوٹگ ءَ کپتگ ءُ بیران بیتگ-

ھالانی تہ ءَ گوشگ بیتگ کہ گوستگیں روچ ءَ دشتیاری ءَ ابوبکر نامیں زھگے اوٹگ ءَ کپتگ ءُ بیران بیتگ-

گوشگ بیتگ کہ زھگانی اوٹگ ءِ کپگ بازیں جاھاں بیتگ اَنت کہ آیانی گیشتریں سبب ایش اِنت اوٹگانی سر ءَ گر ءُ دار کنوکیں پھزداری ءِ نیستی ءِ سر ءَ اِنت-