ڈیرہ مراد جمالی ءَ بوتگیں اُرش ءِ زمّہ واری بی آر جی ءَ منّ اِتگ

بلوچ سلاہ بندیں گل بلوچ ریپبلکن گارڈ ءِ جارکش دوستین بلوچ ءَ رسانکدراں وتی شنگ کرتگیں درشان ءَ تہ ءَ گوشتگ کہ مئے سرمچاراں گوستگیں شپ ءَ ڈیرہ مراد جمالی ءَ نوک جوڈ بؤکیں پوجی بنجل ءِ بنجاھی گیٹ دپ ءَ تراکناکیں شورو کل کرتگ ءُ تراکینتگ انت –

جارکش ءَ گوشتگ کہ اُرش ءِ آسر ءَ بنجاھی دروازگ تباہ بوتگ ءُ ڈوٹی ءَ اوشتوکیں دو کارمند زدگ بوتگ انت –

جارکش ءَ وتی درشان ءِ گڈسر ءَ گوشتگ کہ مئے اے دابیں اُرش بلوچستان ءِ آجوئی ءَ تاں برجاہ مان انت –