بولان ءَ پاکستانی پوج ءِ سر ءَ بمب تراک

بلوچستان ءِ دمگ بولان ءَ سلاہ بندیں مردماں پاکستانی پوج ءِ سر ءَ یک بمب تراکے کتگ –

اُرش مروچی سھب ءَ پیراسماعیل ءَ منصور ٹاپ ءَ پاکستانی پوج ءِ بمب ڈسپوزل اسکواڈ ءِ پند ءَ روکیں کارمندانی سر ءَ ھما وھد ءَ کنگ بیتگ کہ روگ ءَ بیتگ اَنت-

دمگی مردمانی رد ءَ تراک ءِ آسر ءَ پوج ءَ جانی تاوانانی چست کنگ کپتگ بلے واکدارانی نیمگ ءَ اے گپ دیم ءَ نیتکگ اَنت-

گوستگیں بیست ءُ چار ساھاتانی تہ ءَ پاکستانی پوج ءِ سر ءَ اے چارومی اُرش اِنت گوستگیں روچ ءَ کیچ ءَ دو جتا جتائیں اُرشاں پاکستانی پوج ءِ دو کارندہ بیران ءُ کیپٹنے زدگ بیتگ اَت ھمے وڑ گوستگیں شپ ءَ پنجگور ءَ انٹی نارکوٹکس ءِ سر ءَ ھم دزبمب اُرشے بیتگ-

بیتگیں اُرشانی زمہ واری تنی وھدی ھچ گل ءَ پہ وت ءَ نہ زرتگ اَنت ءُ اے دمگاں بلوچ آجوئی لوٹوکیں سلاہ بندیں گل پرکار اَنت –