شال ءَ میڈیکل اسٹوڈنس الائنس ءِ وتی لوٹانی ھک ءَ زھرشانی برجاہ

بلوچستان میڈیکل کالج ءِ اسٹوڈنس الائنس ءِ وتی لوٹانی ھک ءَ زھرشانی برجاہ، نودربراں شال ءِ پریس کلب ءِ دیم ءَ زھرشانی کتگ –

اسٰٹوڈنس الائنس ءِ نیمگ ءَ مروچی پنچمی روچ بوتگ کہ زھرشانی برجاہ انت – بلوچستان میڈیکل کالج ءَ زھرشانی ءَ نشتگیں نودربراں لوٹ کتگ کہ نودربراں بنکی آسراتی دیگ بہ بنت چوشکہ نودربراں نوکیں پرائیوٹ ھاسٹل دیگ بہ بیت ءُ پیسری ھاسٹل ءِ ھڈ کنگے کار بندات کنگ بہ بیت ءُ ورگی ساپیں آپ دیگ بہ بیت – نودربراں لوٹ کتگ کہ گوستگیں ھژدہ ماھانی بجٹ ءُ اسٹوڈنس ویلفئر فنڈ ءِ شریں وڈی ءَ چارٹپاس کنگ بہ بیت –

نودربراں گوشتگ کہ شھدربرجاہ ءِ انتزامیہ اکیڈمک بورڈ ءَ پھال بہ کنت ءُ کالج ءِ اکیدمک کارانی چارگزار ءَ بہ کنت ءُ نودربرانی لوٹانی تہ ءَ ھمک ماھے وظیفہ آنی گیشی ھم مان انت –
زھرشانی کنوکیں نودربرانی گوشگ انت کہ انتزامیہ آھانی لوٹاں سنجیدگی ءَ گوں نزیرگ انت – شھدربرجاہ ءِ بے ھسی ءَ ما لاچار ایں کہ زھرشانی بہ کنیں پرچاکہ مئے وانگ اسرمند بوگ انت بلے پدا ھم ھستیں جیڑھانی سوب ءَ ھم نودربرانی وانگ اثرمند انت زانشتی نزام ءُ زانشجاھانی جیڑہ ءُ جنجالانی سوب ءَ بلوچستان ءِ نودربر ھمک روچ زھرشانی انت –

دومی نیمگ ءَ لورلائی میڈیکل کالج نودربراں ھم وتی لوتانی ھک ءَ نندانک جتگ ءُ نشتگ انت ءُ بولان میڈیجل نرسنگ کالج ءِ نودربر ھم زھرشانی انت –

زانگ بہ بیت نرسنگ ءِ اولی سمسٹر ءَ بیست ءُ سَے نودربر انتزامیہ ءَ چہ کالج ءَ در کتگ کہ آئی ءِ بگیری ءَ نودربر وتی زھرشانی نبشتہ کنائینتگ – نودربرانی رِد ءَ بی ایم سی نرسنگ کالج اولی سال ءَ بیست ءُ سَے نودربر دومی سمسٹر میان ءَ بے سوب ءَ درکتگ انت کہ چریشی ءَ آھانی وانگ ءُ سمسٹر اثرمند بوتگ انت