سربوتگیں ھالانی رِد ءَ جیکب آباد ءِ دمگ مولا داد پھاٹک ءِ نزیک ءَ تراک ءِ بوتگ، تراک ءَ یک مردمے بیران ءُ ھشت زدگ بوتگ انت –
پولیس ءِ رِد ءَ اُرش دزبمب ءِ بوتگ ءُ ھما وھد ءَ کنگ بوتگ کہ سرکاری گاڑی ءِ گوزگ ءَ بوتگ –
ایس ایس پی سمیر نور چنہ ءِ گوشگ انت کہ تراک ءَ پد یک مردمے دزگیر کنگ بوتگ وھدیکہ گیشیں پٹ پول برجاہ انت –
سمیر نور چنہ ءِ گوشگ ات کہ تراک ءَ زدگ بوتگیں مردمانی تہ ءَ سَے پولیس کارمند ھم ھوار انت –
زانگ بہ بیت سند ءِ بلدیاتی گچینکاریانی بنداتی ءَ تنی وھدی جیکب آباد ءَ ھوار چاردہ دمگاں گچین کاری بوھگی انت –