بلوچستان ءِ دمگ کاھان ءَ پشمبے ءِ روچ ءَ جتا جتائیں جاھاں پوجی لشکر کشی کنگ بیتگ اَنت-
دی بلوچستان پوسٹ پتر ھال ءَ سر بیتگین ھالانی رد ءَ پاکستانی پوج ءِ نیمگ ءَ کاھان ءِ جتا جتائیں جاہ گورانڈانی، کیتغی، سارتاف، منھا وڈ ءَ لشکر کشی برجاہ اَنت-
دمگی مردمانی رد ءَ لشکر کشی وھد ءَ لشکر ءَ مردم جتگ اَنت ءُ لوگ اش مانداشتگ اَنت ءُ داں انگت ءَ دگہ جانی تاوانانی ھال نہ بیتگ اَنت-
لشکری واکدارانی نیمگ ءَ اے درگت ءَ ھچ گپ دیم ءَ نیتکگ اَنت بلے کاھان ءُ کش ءُ گوری دمگاں اشی ءَ پیسر ھم لشکر کشیاں جانی تاوانانی ھال دیم ءَ اتکگ اَنت-