جعفر آباد ءَ ناشناسیں سلاہ بندیں مردماں پولیس ءِ چوکی ءِ سر ءَ تیرگواری کتگ ءُ دو کارندہ کُشتگ اَنت-
تیرگواری ءِ وئیل جعفر آباد ءِ دمگ قیدی شاخ ءِ نزیک ءَ مندرانی ءَ پیش اتکگ اود ءَ سلاہ بندیں مردماں تیرگواری کتگ ءُ ہیڈ کانسٹیبل ءُ کانسٹیبل کشتگ اَنت ءُ تتکگ اَنت-
وئیل ءَ پد پولیس ءِ ٹیم وئیل جاہ ءَ سر بیتگ اَنت کارندھانی لاش اش چست کتگ ءُ ھسپتال ءَ رسینتگ اَنت ئِے –
جعفر آباد پولیس انتزامیہ ءِ رد ءَ سلاہ بندیں مردمانی تیرگواری ءَ بیران بیتگیں پولیس کارندھانی تہ ءَ بابل ھید کانسٹیبل خان کنڈرانی ءُ کانسٹیبل مور حسین ءِ ناماں زانگ بیتگ اَنت، وئیل ءِ پٹ ءُ پول ءَ پولیس کنگ ءَ اِنت-