بلوچستان ءِ دمگ نصیر آباد ءِ دمگ چھتر ءَ سلاہ بندیں پرپٹ سواریں مردماں ریک لوڑ کنوکیں چار مزدور آوار جتگ ءُ ٹریکٹر مانداشتگ اِت-
پولیس ءِ رد ءَ نصیر آباد ءِ پولیس تھانہ چھتر ءِ ھند ءَ شاہ پور ءَ چار پرپٹاں ھشت سواریں سلاہ بندیں مردماں توپک ءِ زور ءَ ریک لوڑ کنوکیں چار مزدور آوار جتگ ءُ بیگواہ کتگ اَنت-
آوار جنگ بیتگیں مزدورانی پجار میوہ خان جت، دید مھمد بنگلزئی، ظھور احمد ءُ اللہ وسایا بنگلزئی ءِ ناماں زانگ بیتگ اَنت-
پولیس ءِ رد ءَ آوار جنوکیں مردماں مزدورانی آوار جنگ ءَ پد ٹریکٹر مانداشتگ ءُ شتگ اَنت-
ھالانی سر بیگ ءَ پولیس وئیل جاہ ءَ سر بیتگ ءُ دمک ءُ بستگ ءُ برگ بیتگیں مردمانی پَٹ ءُ پول کنگ ءِ جھد ءَ ایں –