نبشتانک: گوریلا جنگ ءِ سر ءَ چمشانکے
نبشتہ کا :خالد سھیل
رجانک: زبیر بلوچ
اولی بھر
دی بلوچستان پوسٹ
گوریلا جنگ دنیا ءَ سداں سالاں چہ پیش کنگ بوگ ءَ انت ۔اے جنگ ءِ ڈول ءُ کار چہ روایتی جنگ ءَ چٹ جتا انت روایتی جنگ دو ملک ءِ نیام ءَ کنگ بیت۔بلے گوریلا جنگ ءِ توک ءَ آشوبی سرمچارانی کسانیں ٹولی زورگر ءُ زوراکیں فوج ءِ سر ءَ ارش کن اَنت ۔گوریلا ءِ مکسد جنگ ءِ کٹگ ءُ باج برگ نہ انت بلکیں زورگر ءُ کالونائزرے نزور کنگ ءُ پریشان کنگ ءُ نکسان
بار کنگ انت-
گوریلا سرمچارانی مستریں واھگ ءُ لوٹ ھمیش بیت کہ دژمن ءَ ھمنچو تاوان بہ دے کہ پاد ء شپاد وتی کالونی ءَ یلو بہ کنت ءُ شپ ءِ شپ بہ تچ ایت-
ھمے ھساب ءَ کالونی ءِ مردماں آجوئی ءِ نسیب ءَ بہ بیت آجوئی چہ ڈنی زوراکاں چہ اوں گرگ بیت ءُ ملکی زوراک ءُ زورگیراں چہ اوں گوریلا سرمچار ادل ءُ انساپ ءُ برابری ءِ ھکومت ءِ وتی ھنداں ٹائینگ ءِ واھگدار بنت ۔
گوریلا ءِ استلاہ ما انگریزی زبان ءَ 1809 ءَ دیم ءَ اتکگ اے گال بن ءَ چہ ہسپانوی یے ااستلاھے
گوریلا Guerra ءِ بزانت جنگ انت Guerrila ءِ بزانت کسانیں جنگ انت ۔اے استلاہ ھما وھد ءَ نام کپتگ وھدیکہ نپولین بوناپارٹ ءَ 1808 ءَ اسپین ءِ سر ءَ اُرش کتگ ھسپانوی گوریلا سرمچاراں 1814 ءَ نپولین تاوان بار کتگ ءُ پروش داتگ اے جنگ ھسپانوی راجے ءِ واستا آزادی ءِ جنگے ات ھمے جنگ ءِ باج برگ ءَ رند گوریلا جنگ سرجمیں دنیا ءَ نام کپت گوستگیں دو کرناں چہ بازیں لگتمالیں راجاں ھمے گوریلا جنگ ءِ رپک ءَ وتی راجی آجوئی گپتگ اسپین ءِ نوزدھمی کرن ءِ گوریلا جنگ ءَ چہ پیش ھژدھمی کرن ءَ برطانوی ھکومت ءِ ھلاپ ءَ امریکہ ءِ گوریلا جنگ کنگ بوتگ اے جنگ ءِ وژنامی فرانسیس میریون ءُ آئی ءِ سرمچاریں سنگتانی انت فرانسیس میریون 1732 ءَ چہ 1795 ءَ زندگ بوتگ برطانوی فوج چہ میریون ءَ انچو بیزاری ءُ تنگ اتکگ کہ ایشی ءِ نامے کتگ ۔The swap Fox
پرچاکہ برطانویانی چماں فرانسیس چو روبا ءِ پیم ءَ چالاک ءَ ات آئی ءَ شپ ءَ اُرش کت ءَ رو ءَ گار بوتگ ۔فرانسیس ءُ آئی ءِ سنگتاں شپ ءِ وھد ءَ برطانوی ھکومت ءِ اپس ورگ ءُ وردن جتگ ءُ برتگ انت برطانوی فوجی چہ اے مرد ءَ انچو پریشان ات انت ایشی ءِ باروا نبشتہ کتگ
He Fights Neither Like a gentleman Nor Like a chirstian.
برطانوی ھکومت ءُ فوج ءَ آئی ءِ کُشگ ءِ بازیں جھدے کتگ بلے سوبین نہ بوتگ فرانسیس میریون امریکہ ءِ مھلوک ھیرو انت ھمے راجی ھیرو ءِ یات ءَ امریکہ ءِ مھلوک ءَ 2006 آئی ءِ بت واشگنٹن ءَ جتگ اے بت ءِ سر ءَ نبشتہ انت ۔
Francis Marion whO livo without fear and Died without Reproach.
وھدیکہ ما گوریلا جنگ ءِ راجدپتر ءِ گپ ءُ تجزیہ ءَ کنان مارا ھمے اندازہ بیت گوریلا جنگ ءِ ھیال ءُ تسور چینی دانشور سن زو ءَ 500 ق م ءَ وتی کتاب TheArt of war ءِ توکا پیش کتگ ۔اولی گوریلا جنگ 217 ق م ءَ روم ءِ Quintas fabuis ءَ جرنل Hannibl Barcha ءِ پوج ءِ ھلاپ ءَ کتگ پمشکا ایشی ءَ Father oF Guerllia war گشنت گوریلا جنگ ءَ سیاسی بنیاد ءُ پکر مارکس ءُ لینن ءِ فکر ءُ پلسپہ ءَ داتگ ھمے سنچی بنیاداں چہ بیستمی کرن ءَ بازیں گوریلا سرمچاراں بازیں جنگے کٹ اتگ ءُ آشوب ءِ آرگ ءَ سوبمند بوتگ انت ۔
روان اِنت
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔